یوم حیا

ویلنٹائن ڈے جس کی اسلام میں کوئی اہمیت نہیں-
 یہ ایک بے حیائی کا دن ہے-جس میں بے حیائی اور خرافات اور پیسے کا زیاں کیا جاتا ہے-یہ دوسری اقوام کا تہوار  ہے-اور ان کی دیکھا دیکھی  مسلمان بھی اس کو منانے لگے ہیں-
جب کہ اسلام میں ایسے دنوں کا کوئی تصور نہیں-
اور  بطور مسلمان ہمیں دوسری اقوام سے مشابہت اختیار کرنے سے منع کیاگیا ہے-
سو ہمیں حلال رشتوں سے جو محبت ہے-ہمیں ہر پل، ہر دن، ہر لمحہ ان رشتوں کو اپنی محبت کا احساس دلانے کی ضرورت ہے-
ہم اس دن کا بائیکاٹ کرتے ہیں جسے ویلنٹائن کا نام دے کر حرام رشتوں کو فروغ دیا جا رہا ہے - اس لئے کہ  ہمیں اسلامی اصولوں کے مطابق زندگی گزارنے کا کہا گیا ہے-
رسول صلی اللہ علیہ والہ وسلم نے فرمایا-
"ایمان کی ساٹھ سے کچھ اوپر شاخیں ہیں ان میں سے ایک حیا، (شرم) بھی ایمان کی ایک شاخ  ہے" .

ایک اور جگہ فرمایا گیا-
"حیا اور ایمان ہمیشہ اکٹھے رہتے ہیں جب  ان میں سے ایک اٹھا لیا جائے تو دوسرا خود بخود ہی اٹھ جاتا ہے"
اسی طرح پھر فرمایا گیا-
" کہ جس نے کسی قوم کی مشابہت اختیار کی- وہ انہی میں سے ایک ہے-"
اس لئے ہم  بطور مسلمان اس دن کا بائیکاٹ کرتے ہیں-
 اور اسے یوم حیا کے طور پر مناتے ہیں- تاکہ ہم برائی اور بے حیائی سے بچ سکیں-
 کیونکہ اللہ نے حلال رشتوں میں سکون ومحبت کو  تلاش کرنے کا کہا ہے-
"" اور اس کی نشانیوں میں سے ہے کہ اس نےتمہارے لئے تمہاری جانوں میں سے ہی جوڑے بنائے تاکہ تم سکون حاصل کرو- اور تمہارے مابین مودت اور شفقت پیدا کی - بے شک اس میں غوروفکر کرنے والی قوم کے لئے نشانیاں ہیں-"
اس لئے ہمیں اللہ اور اس کے رسول صلی اللہ علیہ والہ وسلم کے حکم کے مطابق اپنی زندگیوں کو ڈھالنا ہے-
 تاکہ  ہم دنیا و آخرت میں کامیابی حاصل کر سکیں-
اور رسول صلی اللہ علیہ والہ وسلم سے محبت کا یہ تقاضا ہے- کہ ہم ان خرافات سے بچیں-
.

اور اس دن کا بائیکاٹ کر کے اپنے وقت اور پیسے دونوں کو بچا سکیں-
کیونکہ اس دن سے جہاں برائی کو فروغ ملتا ہے-
 وہی پیسے کا زیاں بھی ہے-
اس دن کے موقع پر اربوں کھربوں روپے فضول کاموں پر لٹا دئیے جاتے ہیں- جن میں کارڈز، سرخ گلاب،،چاکلیٹس اور زیورات پر پیسے خرچ کئے جاتے ہیں-جو اسراف میں آتا ہے اور اس چیز سے سختی سے منع کیا گیا ہے -
 آج سے اگر  ہم یہ سوچ لیں کہ ہم انہی پیسوں سے کئ گھروں میں راشن ڈلوا سکتے ہیں-
کئ لوگوں کو ادویات دے سکتے ہیں- کئ معذور لوگوں کے لئے ویل چیئر کا انتظام کر سکتے ہیں تو ہم خود بخود ان خرافات سے بچ جائیں گے_
 کیونکہ اللہ سے تجارت کرنے کا یہ سب سے بہترین راستہ ہے-
 آئیے آج سے ویلنٹائن ڈےکا بائیکاٹ کر کے اسے، یوم حیا  کے طور پر منائیں- اور حلال رشتوں میں محبت ڈھونڈیں- کسی ضرورت مند کی ضرورت پوری کر دیں اور غریبوں کا سہارا بن جائیں-کہ خدمت خلق عظیم عبادت ہے-