قربانی جانور کی نہیں نفس کی کریں

قربانی کا مطلب صرف دیکھاوے کے لیے خون بہا دینا نہیں بلکہ قربانی اللہ کے حضور اپنے آپ کو پیش کرنا ہے
اللہ اور اس کے پیارے حبیب نبی کریم صلی اللہ علیہ وآلہ وسلم کے بتائے طریقے پر اپنی زندگی گزارے اور اپنے نفس کو اللہ کے ہاں پیش کر دے
جانور کی قربانی تو صرف ذوالحجہ میں واجب ہے وہ بھی صاحب استطاعت پر لیکن نفس کی قربانی 24 گھنٹے 12 مہینے کی ہے
وہ خدا جس نے بار بار سمجھانے کی کوشش کی کہ اسے صرف پرہیز گاروں کی قربانی ہی قبول ہے۔

وہ خدا جو کہتا ہے کہ اسے جانور کے گوشت یا خون کی نہیں بلکہ قربانی کرنے والے کے اخلاص کی ضرورت ہے۔ وہ خدا جو کہتا ہے کہ رمضان کی آخری دس راتیں اس تک پہنچنے کے لیے اہم ہیں اسی طرح ذی الحج کے پہلے دس دن کے اعمال بھی اس کی قربت کے لیے اتنے ہی اہم ہیں۔

(جاری ہے)

وہ خدا جس کی خواہش ہے کہ چھری جانور کی گردن پر بعد میں اور لالچی نفس پر پہلے چلے۔ مگر اتنی تکرار کے بعد بھی خدا کے ہاتھ کیا آتا ہے، کتنا آتا ہے اور کہاں سے آتا ہے؟

جانور کی قربانی میں بھی ہم پہلے تو اچھا اچھا گوشت الگ کر کے اپنے لیے رکھ لیتے ہیں اور پھر باقی ہڈیاں اور باقی جو گوشت بچ جاتا ہے وہ غرباء و مساکین کو دیتے ہیں
ان میں بھی پہلے ہم اپنے دوستوں اور جاننے والوں کا انتخاب کرتے ہیں بھلے وہ ہم سے کوسوں دور ہیں لیکن ہم ان کو گوشت پہنچانے کی کوشش کرتے اور ہماری بغل میں اگر کوئی دو وقت کے کھانے کو ترس رہا اس کی پرواہ نہیں ہوتی ہمیں
جانور کی قربانی میں بھی ہم نفس کو نہیں مار سکتے تو پورا سال ہم کیسے مار سکیں گے
ہمیں ہمیں سے پہلے اپنے نفس پے قابو رکھنا ہو گا
نفس پے قابو ہو گیا تو سب کام اسان ہو جائیں گے
صرف خون ہی نا بہائیں بلکہ نفس کو بھی مار دیں تاکہ ہمارے خون کی خوشبو ہمارے لیے نجات کا ذریعہ بنے نہ کہ پکڑ کا۔