چیٹ شیٹ

عموماًیہ سمجھایا جاتا ہے کہ کامیابی کے لیے یہ کرو  وہ کرو۔  لیکن زراکو ویجیٹک نے کچھ بھی نیا کیے بغیرکامیابی کی ضمانت دی ہے۔ان کی تحریر کا خلاصہ یہ ہے کہ آپ صرف چند چیزیں ترک کر دیں، کامیابی آپ کے دروازے پر دستک ضرور دے گی۔  انہوں نے بہت سارے مفکرین کی آرا کا بھی سہارا لیا ہے تاکہ اپنی بات کو منوایا جا سکے۔ وہ چیزیں کیا ہیں جن کو چھوڑ دینے سے آپ کامیاب ہو سکتے ہیں۔

آیئے دیکھتے ہیں۔
سب سے پہلے وہ کہتا ہے کہ غیر صحت مندانہ  طرز زندگی کو ترک کر دیں - جم روہن کا ایک بیان لکھتا ہے کہ ۔''اپنے جسم کا خیال رکھنا۔ یہ واحد جگہ ہے جہاں آپ کو رہنا ہے ''  ۔
قلیل مدتی ذہنیت ترک کر دیں۔مے ویسٹ کا یہاں حوالہ دیتا ہے۔''آپ صرف ایک دفعہ جیتے ہیں لیکن اگر آپ اسے صحیح جیتے ہیں تو وہی کافی ہے.'' -  کامیاب لوگ طویل مدتی اہداف طے کرتے ہیں۔

(جاری ہے)

چھوٹا کھیلنا چھوڑ دیں۔ - ماریان ولیمسن۔اگر آپ کبھی بھی عظیم مواقع کی کوشش نہیں کرتے ہیں، یا اپنے خوابوں کو حقیقت بننے نہیں دیتے ہیں، تو آپ کو اپنی حقیقی صلاحیت کا کبھی احساس نہیں ہوگا۔مزید یہ کہ  دنیا اس سے کبھی فائدہ نہیں اٹھائے گی جو آپ کے پاس ہے۔لہذا اپنے خیالات کو آواز دیں، ناکام ہونے سے نہ گھبرائیں۔.  
 بہانے بازی ترک کر دیں۔

  کامیاب لوگ جانتے ہیں کہ وہ اپنی زندگی کے خود  ذمہ دار ہیں۔  بہانے محدود اور ہمیں ذاتی اور پیشہ ورانہ طور پر بڑھنے سے روکتے ہیں۔
فکسڈ مائنڈ سیٹ ترک کر دیں۔- رابرٹ گرین  کی بات یہاں نقل کرتا ہے ''مستقبل ان لوگوں کا ہے جو مزید مہارتیں سیکھتے ہیں اور انہیں تخلیقی طریقوں سے جوڑتے ہیں ''  ۔
'' جادو کی گولی' پر یقین کرنا چھوڑ دیں۔راتوں رات کامیابی ایک افسانہ ہے۔

کامیاب لوگ  '    جانتے ہیں کہ ہر روز چھوٹی چھوٹی مسلسل بہتری لانا،  وقت کے ساتھ ساتھ کامیابی کی ضمانت بن جاتا  ہے۔۔اس لیے آپ کو مستقبل کے لیے منصوبہ بندی کرنی چاہیے، لیکن اس دن پر توجہ مرکوز کریں جو آپ کے پاس ہے۔ یعنی آج کا دن۔
.کمالیت کے حصول کو ترک کر دیں۔ کوئی بھی چیز کبھی بھی مکمل نہیں ہوگی، چاہے ہم کتنی ہی کوشش کریں۔ناکامی کا خوف (یا یہاں تک کہ کامیابی کا بھی) اکثر ہمیں کارروائی کرنے اور اپنی تخلیق کو عملی جامہ پہنانے  سے روکتا ہے۔

تاہم، اگر ہم درست چیزوں کا انتظار کرتے ر ہیں گے تو بہت سے مواقع ضائع ہو جائیں گے۔ کچھ کرنا ہوتو، ''جہاز'' سمندر میں اتار دیں، اور پھر بہتری کی کوشش کرتے رہیں۔
کثیر کام کرنا  چھوڑ دیں۔- ونسٹن ایس چرچل نے کہا تھا کہ ''اگر تم ہر بھونکنے والے کتے کو رک کر پتھر پھینکو گے تو تم کبھی اپنی منزل تک نہیں پہنچ پاؤ گے۔'' کا میاب لوگ یہ جانتے ہیں۔

یہی وجہ ہے کہ وہ  ایک وقت میں صرف ایک چیز کا انتخاب کرتے ہیں۔
ہر چیز کو کنٹرول کرنے کی اپنی سوچ کو ترک کر دیں۔''کچھ چیزیں ہم پر منحصر ہیں، اور کچھ چیزیں نہیں ہیں۔۔ان چیزوں سے الگ ہوجائیں جن پر آپ قابو نہیں پا سکتے ہیں، اور ان پر توجہ مرکوز کریں جو آپ کر سکتے ہیں، اور جان لیں کہ کبھی کبھی صرف ایک چیز جس پرآپ کنٹرول کر سکتے ہیں وہ ہے کسی چیز کے بارے میں آپ کا رویہ۔

صرف اس پر اپنا کنٹرول رکھیں۔
ان چیزوں کو ہاں کہنا ترک کر دیں جو آپ کے مقاصد کی حمایت نہیں کرتی ہیں۔ کسی نے کیا خوب کہا تھا کہ جو چھوٹی سی کامیابی چاہتا ہے اسے تھوڑی سی قربانی دینی چاہئے۔ بہت کچھ حاصل کرنے کے لیے بہت کچھ قربان کرنا پڑے گا  اور  جو بلندی حاصل کرنا چاہے گا اسے بہت بڑی قربانی دینی ہوگی۔ کامیاب لوگ یہ جانتے ہیں  کہ انہیں  اپنے اہداف کو پورا کرنے کے لیے دوستوں، خاندان اور ساتھیوں کے مطالبات کو نہیں کہنا پڑے گا۔

آپ ان پانچ لوگوں میں سے اوسط  ایک ہیں جن کے ساتھ آپ سب سے زیادہ وقت گزارتے ہیں۔ اگر آپ ان لوگوں کے ساتھ وقت گزارتے ہیں جو آپ سے کم درجے کے ہیں، تو آپ کی اوسط کامیابی کم ہوجائے گی۔تاہم، اگر آپ اپنے سے زیادہ  کامیاب لوگوں کے ساتھ وقت گزارتے ہیں،  آپ زیادہ ترقی کریں گے۔اپنے ارد گرد ایک نظر ڈالیں، اور دیکھیں کہ کیا آپ کو  دوستوں میں کوئی تبدیلی کرنے کی ضرورت  تو نہیں ہے۔

اولیور ایمبرٹن نے کہا تھا کہ''لوگوں کو ناراض کرنے سے بچنے کا واحد طریقہ یہ ہے کہ کوئی اہم کام نہ کیا جائے۔'' ۔ اپنے آپ کو بازار کی کوئی چیز سمجھیں۔بہت سے لوگ ایسے ہوں گے جو اس چیز کو پسند کرتے ہوں گے، لیکن ایسے لوگ بھی ہوں گے جو ایسا نہیں کرتے، اور چاہے آپ کچھ بھی کریں، آپ اپنی طرح پوری مارکیٹ نہیں بنا پائیں گے۔یہ بالکل فطری ہے، اور اپنے آپ کو درست ثابت کرنے کے لیے کچھ کرنے کی ضرورت نہیں ہے۔

صرف ایک چیز جو آپ کر سکتے ہیں وہ ہے مستند ہونا، اسے  جاری رکھیں، اور جان لیں کہ ''نفرت کرنے والوں '' کی بڑھتی ہوئی تعداد کا مطلب ہے کہ آپ اہم کام کر رہے ہیں۔
سوشل میڈیا اور ٹیلی ویژن پر اپنا انحصار ترک کر دیں۔ جیک کورن فیلڈکہتا ہے کہ''مصیبت یہ ہے کہ آپ کو لگتا ہے کہ آپ کے پاس وقت ہے''  جبکہ ایسا نہیں ہے۔  بہت زیادہ ویب براؤزنگ اور ٹیلی ویژن دیکھنا آج کے معاشرے کی جدید بیماری ہے۔

جب تک کہ آپ کے اہداف دونوں پر منحصر نہ ہوں، آپ کو ان پر اپنا انحصار کم (یا ختم) کرنا چاہیے۔ مزید برآں، اس وقت کو ان چیزوں کی طرف راغب کریں جو آپ کی زندگی کو سنوار سکتے ہیں۔عمل کیلیے آواز اٹھاؤاگرآپ اپنی پیداواری صلاحیت کو بڑھانا چاہتے ہیں اور تاخیر کو ختم کرنا چاہتے ہیں۔
اگر یہ سب ''سچ'' ناقابل تردید ہیں اور ہم انہیں بہت پہلے سے سنتے آرہے ہیں تو ہم انہیں اپنی زندگی کا حصہ بنائے بغیر کیوں رہتے ہیں؟ کیا یہ ہونا چاہئے کہ انسان ہمیشہ ''قدرتی قوانین'' کو چیلنج کرتا رہے۔

ایسی ہی تجاویز کے ساتھ بہت سی کتابیں لکھی گئی ہیں اور بہت سی کتابیں مستقبل میں سامنے آئیں گی کیونکہ انسان میں یہ بھی فطری بات ہے کہ ہم ہمیشہ شارٹ کٹ  تلاش کرنے کی کوشش کرتے رہتے ہیں۔جبکہ کامیابی کا کوئی آسان راستہ نہیں ہے۔ قسمت کا دروازہ زور  زور  سے کھٹکھٹانے سے ہی کھلتا ہے اور کامیابی حاصل کرنے کے لیے بہت پاپڑ بیلنے پڑتے ہیں۔شارٹ کٹ صرف چیٹ شیٹ ہیں اور ان کا حقیقت سے دور کا بھی تعلق نہیں ہے۔