فاروق اور حسین کا محرم !

جشن آزادی اس بار کیسے منایا گیا؟ لمبی بات کیا کرنی بس اتنا ہی کہنا ہے کہ ایک عظیم ترین دن ، ایک احسان فراموش اور وعد فراموش اور وعدہ شکن قوم نے خرافات کی نظر کر دیا ۔
محرم الحرام کا مہینا بھی کیا مہینا ہے جس کا پہلا صفحہ فاروق اعظم کی شہادت کا عنوان اور دسواں دن امام عالی مقام کی شہادت کے باب سے مزین ہے ۔ہم اہلیانِ پاکستان نے جو حشر یوم آزادی کا کیا ، کم و بیش وہی حشر وہی محرم الحرام کا بھی کیا ۔

ہونا تو یہ چاہیے تھا کہ یہ مہینا مسلمانوں کی وحدت کا سبب بنتا لیکن ہم اہلیان پاکستان نے اسے بھی تقسیم اور فرقہ پرستی کا سبب بنا ڈالا ۔پچھلے کچھ سالوں سے یہ تفریق بھی ہر آنے والے سال کے ساتھ گہری ہوتی چلی جا رہی ہے کہ فاروق اعظم کا یوم شہادت محرم کی بجائے ذی الحجہ میں منانا چاہیے اور اس ضمن میں یہ دلیل دی جاتی ہے کہ ان کی شہادت محرم میں نہیں بلکہ ذی الحجہ میں ہوئی تھی ۔

(جاری ہے)

اس موقف بارے اتنا ہی کہنا ہے کہ زیادہ تر شخصیات کے یوم ولادت اور یوم وفات کے بارے میں اختلاف ہی مذکور ہے ۔حتیٰ کہ نبی کریم کے یوم ولادت کے بارے میں بھی اختلاف ہے ۔ لہذا ہر کوئی اپنی من پسند تاریخ کو لے کر اپنے مقاصد کی آبیاری کرتا ہے جبکہ اصول اس بارے میں یہ ہے کہ جس دن پر جمہور امت کا اتفاق ہو وہی قول مقبول ہے جیسا کہ اختلاف کے باوجود بارہ ربیع الاول ،جمہور مسلمانوں کے ہاں میلاد النبی کے طور پر منایا جاتا ہے ۔

اسی طرح اختلاف کے باوجود یکم محرم الحرام کو فاروق اعظم کے یوم شہادت کے دن کے طور پر مسلمانوں میں قبولیت عامہ حاصل ہے ، لہذا یہی قوم معتبر ہے ۔آپ کی شان میں راقم الحروف کا کلام ملاحظہ فرمائیں ۔
اور آخر میں امام عالی مقام کی بارگاہ میں میرا ہدیہ عقیدت بھی پیش خدمت ہے ۔

وہ ذات جس نے عالم دنیا کو بتایا کہ خودی کیا ہے ، غیرت کیا ہے ، انسان کیا ہے اور انسانیت کیا ہے ؟ میرے امام نے بتایا کہ ظلم کو کیسے روکا جائے اور حق کی آبیاری کیسے کی جا سکتی ہے ؟شاید یہی وجہ ہے کہ پوری دنیا بلا تفریق ِ قوم و مذہب ، ہر کوئی ان کے ذکر خیر سے اپنی دنیا آباد کرتا ہے۔کلام ملاحظہ فرمائیں ۔