- مرکزی صفحہ
- اردو کالم
- کالم نگار
- زبیر بشیر
- عزم، حوصلے اور نظم وضبط کے بے مثال 76 روز: ووہان میں لاک ڈاؤن ختم
عزم، حوصلے اور نظم وضبط کے بے مثال 76 روز: ووہان میں لاک ڈاؤن ختم
بدھ 8 اپریل 2020
ووہان میں آمد ورفت کا ایک بڑا انحصار ریل پر ہے۔ لہذ ا لاک ڈاؤن ختم ہوتے ہی سڑکوں کے ساتھ ساتھ ریل سے بھی سفر کا آغاز ہو گیا ہے۔
(جاری ہے)
چائنا ریلوے کارپوریشن کے ووہان بیورو کے متعلقہ محکمے کے سربراہ کا کہنا ہے کہ بدھ کے روز ووہان کے اسٹیشنوں سے شنگھائی ، شن ژن ، چھانگ دو ، فوجو ، نان نینگ اور دیگر مقامات کے لئے 276 مسافر ٹرینیں روانہ ہوں گی ۔
ٹکٹس کی فروخت سے ظاہر ہوتا ہے کہ آٹھ تاریخ کو پچپن ہزار سے زائد مسافر بذریعہ ٹرین وو ہان سے روانہ ہوں گے۔مبصرین کا کہنا ہے کہ ووہان کے لاک ڈاؤن کا خاتمہ چین کے لئے صدر شی جن پنگ کی قیادت میں کووڈ-19 کے خلاف لڑی جانے والی عوامی جنگ میں حتمی فتح حاصل کرنے کے لئے ایک اہم سنگ میل ثابت ہوگا۔
بیجنگ میں 28 جنوری کو عالمی ادارہ صحت کے ڈائریکٹر جنرل ٹیڈروس ادہانوم گیبریسس سے ووہان کے لاک ڈاؤن کے تناظر میں بات چیت کرتے ہوئے چین کے صدر شی جن پھنگ نے کہا تھا کہ ان کے لئے اپنے عوام کی زندگیوں کی حفاظت تمام چیزوں سے بڑھ کر ہے۔
جنوری ہی میں عالمی ادارہ صحت کے مشترکہ عالمی مشن نے نو روز تک چین کووڈ-19 کے خلاف چین کی جانب سے اختیار کئے جانے والے اقدامات کا جائزہ لیا۔ اس مشن کے سربراہ بروس ایلورڈ جو کہ کینیڈا سے تعلق رکھتے ہیں اور وبائی امراض کے معروف ماہر بھی ہیں انہوں نے اس وقت چین کے ان اقدامات کو نا قابل یقین قرار دیا تھا۔ بروس ایلورڈ نے چین پر اظہار اعتماد کے لئے تاریخی الفاظ ادا کئے تھے۔ " اگر میں اس وبا کا شکار ہو جاتا ہوں تو میں چین میں علاج کروانے کو ترجیح دوں گا۔
تئیس جنوری کو ووہان کے انسداد وبا کے کمانڈ سینٹر نے نوٹس نمبر 1 جاری کیا جس کے مطابق صبح دس بجے سے ووہان سے ہوائی اور ریلوے سفر کو عارضی طور پر معطل کردیا گیا ۔ اسی روز وزارت ٹرانسپورٹ نے فوری طور پر مطلع کیا کہ ملک بھر سے ووہان جانے والی سڑکوں اور آبی گزرگاہوں سے مسافروں کی آمدورفت معطل کردی گئی ہے۔ ووہان کے لاک ڈاؤن کو کچھ حلقوں کی طرف سے تنقید کا نشانہ بھی بنایا گیا اور اسے انسانی حقوق کی خلاف ورزی سے تعبیر کیا گیا لیکن چین کا موقف تھا کہ پہلا حق انسانی جان کی حفاظت اور تحفظ ہے۔
دنیا نے دیکھا کہ 76 روز تک ایک کروڑ سے زائد افراد ایک شہر میں محصور رہے۔ بظاہر یہ ناممکن دکھائی دیتا تھا لیکن چینی قوم نے اپنے نظام کی مضبوطی سے یہ ثابت کردیا کہ بڑے مقاصد کے حصول کی راہ میں کچھ بھی ناممکن نہیں ہوتا۔
لاک ڈاؤن کے مرحلے کے بعد حکومت نے پورے ملک سے وبائی ماہر اکٹھے کیے اورووہان شہر میں 12دنوں میں ہزار سے زائد سے بستروں کے دوعارضی ہسپتال قائم کردئیے جن میں سے ایک کی گنجائش بارہ سو بستر اور دوسرے کی سولہ سو بستر تھی۔ اس دوران صوبہ ہونے میں چودہ سے زائد فیلڈ ہسپتال بھی قائم کئے گئے جہاں دوسرے شہروں اور صوبوں سے آنے والے ڈاکٹر تعینات ہوئے۔ اگلے مرحلے میں خوراک اور اشیائے ضروریہ کی فراہمی کے لئے آئرن ولنٹیئرز کے نام سے ایک رضاکار فورس قائم کردی گئی۔ ہرکوئی اپنے اپنے کام پر لگ گیا، صبح و شام اور رات ودن کی تمیز ختم کردی گئی۔ چین کے اس لاک ڈاؤن کا یہ نتیجہ نکلا کہ اب چین میں کرونا وائرس کا کوئی بھی نیا مریض نہیں ہے۔ ووہان میں معمولات زندگی بحال ہوچکے ہیں۔ تمام فیلڈ ہسپتال مریض نہ ہونے کی وجہ سے بند کر دئیے گئیے ہیں۔
یہ ان اقدامات کا فیضان ہے کہ چین وائرس سے بڑی تیزی سے محفوظ ہوتا چلا جا رہا ہے۔ وہ دن دور نہیں جب چین دنیا کا وہ پہلا ملک بن جائے گا جو کورونا وائرس سے مکمل طور پر پاک ہوگا۔
آپ اسے حسن اتفاق کہیئے یا قدرت کا انتخاب جب ووہان میں لاک ڈاؤن ختم ہو رہا تھا تو چین میں شب برات کی بابرکت گھڑیاں تھیں۔ آج پاکستان میں شب برات ہے۔ میں امید کرتا ہوں پاکستانی قوم گھروں میں رہ کر اللہ کے حضور سربسجود ہوگی اور باہمی اتفاق و اتحاد سے وبا کے خلاف کامیابی کے لئے دعا کرے گا۔ انشااللہ پاکستان بھی جلد اس مشکل کے خلاف سرخرو ہوگا۔
ادارہ اردوپوائنٹ کا کالم نگار کی رائے سے متفق ہونا ضروری نہیں ہے۔
تازہ ترین کالمز :
زبیر بشیر کے کالمز
-
چودہ برس بعد بیجنگ میں اولمپک مشعل کی حرارت
جمعرات 3 فروری 2022
-
چین وبا کے خلاف کیسے کامیاب ہوا؟
بدھ 26 جنوری 2022
-
وبا پر قابو عالمی تعاون کے بغیر ممکن نہیں
جمعہ 21 جنوری 2022
-
ماحول دوست سواری کی حوصلہ افزائی کی ضرورت
ہفتہ 15 جنوری 2022
-
نیا سال نیا عزم
بدھ 5 جنوری 2022
-
سال 2022 میں چین کی معاشی وسماجی پالیسیاں کیا ہوں گی؟
پیر 13 دسمبر 2021
-
دنیا کی مشترکہ ترقی کا راستہ
جمعہ 26 نومبر 2021
-
دو سوسے زائد امریکی کمپنیاں چین میں کیا تلاش کر رہی ہیں؟
ہفتہ 13 نومبر 2021
زبیر بشیر کے مزید کالمز
کالم نگار
مزید عنوان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.