عمرا ن خان کا وزیراعظم کے خلاف قومی اسمبلی میں ریفرنس جمع کرانے کا اعلان
نواز شریف کے خلاف ریفرنس تیار کر رہے ہیں ،چاہتا ہوں میری اور ان کی سماعت ایک ساتھ ہو، وزیراعظم نے پارلیمنٹ میں جھوٹ بول کر ایوان کوکمزور بنادیا،حکومت پانامہ لیکس پر جواب دینے کی بجائے اپوزیشن پر حملے کررہی ہے ، موقع دیکھ کر ہی اسمبلی میں جاؤں گا ، کوئٹہ کے جو حالات دیکھے وہ بیان نہیں کر سکتا، پنجاب پولیس حکمرانوں کا عسکری ونگ بنا ہوا ہے پاکستان تحریک انصاف کے چیئرمین عمران خان کا نجی ٹی وی کو انٹرویو
جمعرات 11 اگست 2016 22:22
اسلام آباد ( اُردو پوائنٹ اخبارتازہ ترین - آئی این پی۔11 اگست ۔2016ء ) پاکستان تحریک انصاف کے چیئرمین عمران خان نے وزیراعظم نوازشریف کے خلاف سپیکر قومی اسمبلی کے پاس ریفرنس جمع کرانے کااعلان کرتے ہوئے کہا ہے کہ نواز شریف کے خلاف ریفرنس تیار کر رہے ہیں ،چاہتا ہوں میری اور ان کی سماعت ایک ساتھ ہو، پارلیمنٹ کو وزیر اعظم ہی مضبوط کرتے ہیں مگر وہ خود پارلیمنٹ میں کھڑے ہو کر جھوٹ بولتے ہیں ، وزیر اعظم ہی پارلیمنٹ کو جوابدہ نہیں تو ایوان کیسے مضبوط ہو گا ، وزیر اعظم نے خود پارلیمنٹ کو کمزور بنا دیا ہے، نواز شریف کے خلاف ایک اور ریفرنس تیار کر رہے ہیں میں چاہتا ہوں کہ نواز شریف اور میری سماعت ایک ساتھ ہو ۔
وہ جمعرات کو نجی ٹی وی کو انٹرویو دے رہے تھے ۔ انہوں نے کہا کہ وزیر اعظم پارلیمنٹ کو مضبوط کرتے ہیں مگر ہمارے وزیر اعظم خود پارلیمنٹ میں کھڑے ہو کر جھوٹ بولتے ہیں ۔(جاری ہے)
جس کی وجہ سے پارلیمنٹ کمزور ہو رہی ہے ۔ عمران خان نے کہا کہ وزیر اعظم ہی پارلیمنٹ کو جوابدہ نہیں تو ایوان کیسے مضبوط ہو گا ۔ یہ کیسی جمہوریت ہے کہ ہم پانچ مہینے سے پانامہ لیکس کے معاملے جواب مانگ رہے ہیں مگر جواب دینے کے بجائے اپوزیشن پر حملے ہو رہے ہیں ۔
طوطا مینا کی کہانی سنانے سے پارلیمنٹ مضبوط نہیں ہوئی ۔ انہوں نے کہا کہ وزیر اعظم نواز شریف پر ٹیکس اور کرپشن کے الزامات ہیں ۔ ایف بی آر اور نیب کو وزیر اعظم کے خلاف کارروائی کرنی چاہیے تھی ۔ عمران خان نے کہا کہ موقع دیکھ کر ہی اسمبلی میں جاؤں گا ۔ کوئٹہ کے جو حالات دیکھے وہ بیان نہیں کر سکتا ۔ عسکری اداروں کے خلاف بیانات ٹھیک نہیں ہیں ۔عمران خان نے کہا کہ سندھ اور پنجاب کی پولیس دہشتگردوں سے نہیں لڑ سکتی ۔ پولیس کے ادارے میں کام کرنے کی ضرورت ہے۔ آئی جی اعتراف کرتے ہیں کہ پولیس میں سیاسی عمل دخل ہے۔ انہوں نے کہا کہ پنجاب پولیس چھوٹو گینگ سے نہیں لڑسکتی تو دہشتگردوں سے کیا لڑے گی۔ خیبر پختونخواہ پولیس کو ہم نے غیر جانبدار کرکے پروفیشنل بنا دیا ہے۔ اسٹیٹس کو اقتدار میں آنے کیلئے پولیس کو استعمال کرتا ہے۔ یہ پولیس حکمرانوں کا عسکری ونگ بنا ہوا ہے۔ حکومت کا کام الزام لگانا نہیں مجرموں کو پکڑ کر سزا دلانا ہے۔ عمران خان نے کہا کہ حکمرانوں نے مک مکا کر کے پاکستان کی بندربانٹ کی ہوئی ہے۔ میں اپنی حلال کی کمائی کر کے پاکستان لایا ہوں اور یہ لوگ حرام کی کمائی کرکے پیسہ پاکستان سے باہر لے گئے ہیں ۔نواز شریف کے خلاف ریفرنس تیار کر رہے ہیں جو قومی اسمبلی میں جمع کرائیں گے ۔ میں چاہتا ہوں کہ نواز شریف اور میری سماعت ایک ساتھ ہو، حکمرانوں سے پوچھنا چاہیے نیشنل ایکشن پلان پر عمل کیوں نہیں ہوا۔ مدرسہ ریفارم نیشنل ایکشن پلان میں شامل ہے۔مزید اہم خبریں
-
چیف آف آرمی سٹاف جنرل سید عاصم منیر او ربرطا نوی فوج کے چیف آف جنرل سٹاف جنرل سرپیٹرک سینڈرز نے نیشنل ڈیفنس یونیورسٹی میں چھٹی پاکستان برطانیہ استحکام کانفرنس کے افتتاحی سیشن سے خطاب کیا،آئی ..
-
آن لائن ٹیکسی کمپنی اوبر نے پاکستان میں اپنی سروس بند کردی
-
محنت کش طبقے کے حالات کو بہتر بنانے کےلئے مناسب اجرت، محفوظ ماحول، صحت کی سہولیات اور بچوں کی تعلیم بارے اقدامات کی ضرورت ہے، صدرمملکت کا مزدوروں کے عالمی دن کے موقع پر پیغام
-
فیصل آباد،گھر میں آتشزدگی سے 3 بچے جھلس کر جاں بحق
-
پنجاب ،بیوروکریسی میں اکھاڑ پچھاڑ ،کمشنر لاہور سمیت 49افسران کے تبادلے
-
پاکستان نازک دور سے گزر رہا ہے، پائیدار اقتصادی ترقی اولین ترجیح ہے، وزیراعظم
-
بہاولپور، فائرنگ کے تبادلہ میں زیر حراست 2 دہشتگرداپنے ساتھیوں کی فائرنگ سے ہلاک
-
تونسہ شریف میں پولیس چیک پوسٹ پر دہشتگردوں کا حملہ، 7 اہلکار زخمی
-
پاکستان کا پہلا سیٹلائٹ مشن چاند پر بھیجنے کی تیاری کرلی گئی
-
پاک برطانیہ علاقائی استحکام کانفرنس، دو طرفہ دفاعی تعلقات کے فروغ پرتبادلہ خیال
-
علاقائی سلامتی کو درپیش خطرات سے نمٹنا امریکہ اور پاکستان کے مشترکہ مفاد میں ہے.امریکی محکمہ خارجہ
-
سائفر کیس میں اہم پیش رفت:ایف آئی اے ثابت کرنے میں ناکام ہوگیا ہے کہ خفیہ کیبلز یا سائفر عمران خان کے قبضے میں تھا .اسلام آباد ہائی کورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.