محکمہ موسمیات کی اسلام آباد اور راولپنڈی سمیت پنجاب، سندھ ،خیبرپختونخواہ ،ْ بلوچستان میں شدید گرمی پڑنے کی پیشن گوئی

بالائی فاٹا، کشمیر اور گلگت بلتستان میں چند مقامات پر تیز ہواوں اور گرج چمک کے ساتھ ہلکی بارش کا امکان

منگل 18 اپریل 2017 13:31

اسلام آباد (اُردو پوائنٹ اخبارتازہ ترین - این این آئی۔ 18 اپریل2017ء) محکمہ موسمیات نے اسلام آباد اور راولپنڈی سمیت پنجاب، سندھ ،خیبرپختونخواہ ،ْ بلوچستان میں شدید گرمی پڑنے کی پیشن گوئی کرتے ہوئے کہاہے کہ بالائی فاٹا، کشمیر اور گلگت بلتستان میں چند مقامات پر تیز ہواوں اور گرج چمک کے ساتھ ہلکی بارش کا امکان ہے ۔

(جاری ہے)

محکمہ موسمیات کے مطابق گزشتہ 24 گھنٹوں کے دوراناسلام آباد اور راولپنڈی سمیت ملک کے بیشتر علاقوں میں موسم گرم اور خشک جبکہ سندھ، پنجاب، جنوبی بلوچستان اور خیبر پختونخوا کے میدانی علاقوں میں موسم شدید گرم اور خشک رہا۔

سب سے زیادہ درجہ حرارت سبی اور نورپورتھل میں47 ڈگری سینٹی گریڈ ریکارڈ کیا گیا۔ آئندہ 24گھنٹوں کے دوران اسلام آباد اور راولپنڈی سمیت پنجاب، سندھ، خیبر پختونخواہ کے میدانی علاقوں نصیر آباد، مکران،سبی ڈویژن میں شدید گرمی پڑنے،بالائی فاٹا، کشمیر اور گلگت بلتستان میں چند مقامات پر تیز ہواوں اور گرج چمک کے ساتھ ہلکی بارش کا امکان ہے۔