پیپلز پارٹی کے رہنماء شرجیل میمن کی درخواست ضمانت کی سماعت ،نیب کاٹرائل ایک ماہ میں مکمل کرنے کاقانون غیرمناسب ہے،جسٹس آصف سعید کھوسہ

بدھ 18 اپریل 2018 23:21

پیپلز پارٹی کے رہنماء شرجیل میمن کی درخواست ضمانت کی سماعت ،نیب کاٹرائل ..
اسلام آباد ۔18 اپریل(اُردو پوائنٹ اخبارتازہ ترین - اے پی پی۔ 18 اپریل2018ء) عدالت عظمیٰ نے سابق وزیر داخلہ سندھ و پیپلز پارٹی کے رہنماء شرجیل میمن کی درخواست ضمانت پرسماعت (آج )جمعرات تک کیلئے ملتوی کردی ہے ،جسٹس آصف سعید کھوسہ نے ریمارکس دیتے ہوئے کہا کہ نیب کاٹرائل ایک ماہ میں مکمل کرنے کاقانون غیرمناسب ہے،۔ سماعت کے موقع شرجیل میمن کے وکیل لطیف کھوسہ نے دلائل دیتے ہوئے موقف اختیارکیاکہ شرجیل میمن کے خلاف کیس جولائی 2013 سے جون 2015 تک بنایا گیا،،لطیف کھوسہ بولے کسی شریک ملزم نے شرجیل میمن کانام نہیں لیا، جسٹس کھوسہ نے کہاکہ ہائیکورٹ کے مطابق بعض بل براہ راست شرجیل میمن کو دئیے گئے،ہائی کورٹ کے مطابق معاہدہ سے پہلے ہی ادائیگی کی گئی، سیکرٹری وزارت اطلاعات سندھ ذولفقار کے وکیل افتخار گیلانی نے دلائل دیتے ہوئے موقف اختیار کیاکہ ڈائریکٹرمحکمہ اطلاعات زینت جہاں نے شکایت درج کرائی، جب شکایت درج ہوئی اس وقت میراموکل محکمہ اطلاعات میں نہیں تھا، ایک طرف کہا جاتا ہے سب کچھ شرجیل میمن نے براہ راست کیا ہے، دوسری جانب صوبائی سیکریٹری اطلاعات کو ملزم بنایا گیا، جسٹس کھوسہ نے کہاکہ سیکرٹری پر الزام اختیارات کے نا جائز استعمال کا ہے، کیا سیکرٹری اطلاعات ساری ہینکی پھینکی پر خاموش رہے، نیب قانون میں ایک ماہ میں ٹرائل مکمل کرنے کا لکھاہے، نیب کاٹرائل مکمل کرنے کاقانون غیرمناسب ہے، ایک ماہ میں مقدمہ مکمل ہوناممکن نہیں،قانون بنانے والے بیٹھے ہیں ان کوکیوں نہیں کہتے، ہم قانون پر ہاتھ ڈالیں تواعتراض ہوتاہے،وکیل افتخارگیلانی نے بتایا کہ چیرمین نیب نے خود کہا کہ مشرف نے بندے امریکہ کے حوالے کئے ہیں،جس پر جسٹس آصف سعید کھوسہ نے کہاکہ ایسی گفتگو نہ کریں جس پر ہم کچھ نہ بول سکیں ہم کچھ بولے توشام کواس پر ٹاک شوز ہوں گے بیوروکریسی ٹھیک تھی توپاکستان ٹھیک چل رہاتھا کسی سیاستدان کی جرات نہیں تھی کہ بیورو کریسی کے بغیر فیصلہ کرے۔

(جاری ہے)

عدالت نے انعام میمن کی درخواست ضمانت کیس کی سماعت جمعرات تک ملتوی کردی۔