پاکستان تحریک انصاف لاہور سمیت سنٹرل پنجاب کے انتخابی امیدواروں کا اعلان

جمعہ 20 اپریل 2018 19:58

لاہور (اُردو پوائنٹ اخبارتازہ ترین - آن لائن۔ 20 اپریل2018ء) پاکستان تحریک انصاف لاہور سمیت سنٹرل پنجاب کے انتخابی امیدواروں کا اعلان مینار پاکستان پر 29 اپریل کو ہونے والے جلسے میں کیا جائے گا، اس بات کا فیصلہ پاکستان تحریک انصاف کے چیئرمین عمران خان کی زیر صدارت ہونے والے اعلیٰ سطحی اجلاس میں کیا گیا پی ٹی آئی کے پارلیمانی بورڈ کے اس اجلاس میں پارٹی کے رہنمائوں جہانگیر ترین، شفقت محمود، لاہور کے صدر عبدالعلیم خان، میاں اسلم اقبال سمیت پی ٹی آئی کے پارلیمانی بورڈ کے دیگر ارکان نے شرکت کی، اجلاس میں الیکشن 2018ء کے سلسلے میں صوبائی دارالحکومت لاہور کے قومی اور صوبائی اسمبلیوں کے انتخابی حلقوں کے شارٹ لسٹ کئے گئے امیدواروں کے ناموں پر غور کیا گیا، ان امیدواروں کی حتمی منظوری دی گئی۔