Live Updates

بلاول اگر سمجھ رہے ہیں انہوں نے کراچی فتح کرلیا تو وہ واقعی ابھی بچے ہیں اور بچے غیر سیاسی ہوتے ہیں،

عامر لیاقت حسین بلاول اور ان کی جماعت کے دامن پر آج بھی مہاجروں کے لہو کے دھبے موجود ہیں، رہنماء تحریک انصاف

پیر 30 اپریل 2018 23:06

کراچی (اُردو پوائنٹ اخبارتازہ ترین - این این آئی۔ 30 اپریل2018ء) بلاول پہلے اپنے والد کا ذہنی علاج کرائیں،جنہیں کراچی میں مہاجر نظر نہیں آتے اور بعد میں لیاقت آباد کی پیاس بجھانے جیسے مضحکہ خیز دعوے کریں۔یہ بات پاکستان تحریک انصاف کے سینئر رہنما ڈاکٹر عامر لیاقت حسین نے بلاول بھٹو زرداری کی تقریر پر تبصرہ کرتے ہوئے کہی۔

(جاری ہے)

انہوں نے کہا کہ چند ہزار افراد جمع کرلینے سے بلاول اگر یہ سمجھ رہے ہیں کہ انہوں نے خدانخواستہ کراچی فتح کرلیا ہے تو وہ واقعی ابھی بچے ہیں اور بچے غیر سیاسی ہوتے ہیں۔

انہوں نے مزید کہا کہ کراچی میں بے گناہوں کا قتل کرنے والے کراچی پر راج کرنے کا خواب کیسے دیکھ سکتے ہیں انہوں نے کہا کہ بلاول اور ان کی جماعت کے دامن پر آج بھی مہاجروں کے لہو کے دھبے موجود ہیں۔ کراچی کے عوام مظلوم مائوں کی آہ و بکا آج تک نہیں بھولے۔انہوں نے چیئرمین تحریک انصاف عمران خان پر بلاول کے الزامات کو بچکانہ اور احمقانہ قرار دیا۔ انہوں نے یہ بھی کہا کہ انتخابات ہی اس بات کا فیصلہ کریں گے کہ کراچی کو تبدیلی چاہیے یا قاتل و مقتول کی پرانی سیاست۔