آزادکشمیر میں حکومت نام کی کوئی چیز نہیں ‘صرف برادری ازم کو پرموٹ کیا جارہا ہے‘بیڈ گورننس کا راج ہے ،

محکمہ تعلیم میں میرٹ کی بُری طرح پامالی ہورہی ہے این ٹی ایس بھی ایک ڈرامہ نکلا ،ایڈھاک تقرریوں کی آڑ میںاپنے لوگوں کو نوازا جارہا ہے پاکستان تحریک انصاف کے مرکزی رہنما راجہ نسیم یوسف کی بات چیت

جمعہ 11 مئی 2018 18:32

مظفرآباد(اُردو پوائنٹ اخبارتازہ ترین - آئی این پی۔ 11 مئی2018ء) پاکستان تحریک انصاف کے مرکزی رہنما راجہ نسیم یوسف نے کہا کہ آزادکشمیر میں حکومت نام کی کوئی چیز نہیں ‘صرف اور صرف برادری ازم کو پرموٹ کیا جارہا ہے ،بیڈ گورننس کا راج ہے ،محکمہ تعلیم میں میرٹ کی بُری طرح پامالی ہورہی ہے این ٹی ایس بھی ایک ڈرامہ نکلا ،ایڈھاک تقرریوں کی آڑ میںاپنے لوگوں کو نوازا جارہا ہے ،جو سراسر انصافی ہے پاکستان تحریک انصاف عمران خان کی قیادت میں عام انتخابات میں بھاری اکثریت سے کامیاب ہوکر پاکستان اور آزادکشمیر کا مستقبل روشن کردے گی ۔

(جاری ہے)

آزادکشمیر میں نااہل شریف کی حکومت کا بوریا بستر گول ہونے والا ہے ان خیالات کا اظہار انہوں نے گزشتہ روز صحافیوں سے گفتگو کرتے ہوئے کیا ،راجہ نسیم یوسف نے کہا کہ مظفرآباد ی کا نعرہ لگاکر اقتدار میں آنے والے مظفرآباد کو تباہ وبرباد کر دیا حکومت نے محکمہ تعلیم میرٹ نہیں بلکہ برادری ازم کو مدنظر رکھ کر ایڈھاک تقرری کیں تحریک انصاف اس کی بھرپور مذمت کرتی ہے ،نااہل نوازشریف ٹولہ پاکستان کے بعد اب آزادکشمیر سے بھی آہستہ آہستہ صاف ہونے لگا آزادکشمیر میں صدر تحریک انصاف بیرسڑ سلطان محمود کی قیادت میں 2018کا سال الیکشن کا سال ہو گا اور پاکستان وآزادکشمیر کی تقدیر بدلنے کا سال ہوگا۔