پی ٹی آئی وفاق اور چاروں صوبوں میں بھاری اکثریت سے الیکشن جیتے گی‘ سردار بشارت

پیر 25 جون 2018 15:52

باغ(اُردو پوائنٹ اخبارتازہ ترین - آئی این پی۔ 25 جون2018ء) پاکستان تحریک انصاف آزاد کشمیر کے نائب صدر سردار بشارت بادشاہ ایڈووکیٹ نے کہا ہے کہ پاکستان میں عمران خان کی قیادت میں جلد نئی حکومت قائم ہوگی پاکستانی عوام باشعور ہیں اور لٹیروں کواچھی طرح پہچان چکے ہیں پی ٹی آئی وفاق اور چاروں صوبوں میں بھاری اکثریت سے الیکشن جیت کر ملک میں میرٹ اور انصاف پر مبنی نظام حکومت قائم کرے گی پاکستانی عوام پی ٹی آئی انتخابی نشان بلے پر مہر لگا کر بھاری اکثریت سے کامیاب کریں ان خیالات کا اظہار انہوں نے صحافیوں سے گفتگو کرتے ہوئے کیا سردار بشارت بادشاہ ایڈووکیٹ نے کہا کہ بیرسٹر سلطان محمود چوہدری نے پاکستان میں باضابطہ الیکشن مہم کا آغاز کردیا ہے کشمیری عوام پاکستان میں PTI کے امیدواروں کو بھاری اکثریت سے کامیاب کرنے میں اپنا کردار ادا کریں گے انہوں نے کہا کہ آزاد کشمیر کی حکومت اپنے انجام کو پہنچنے والی ہے عوام جلد ن لیگ کی باقیات سے چھٹکاراہ حاصل کر کے یہاں بھی صاف اور شفاف حکومت قائم کریں گے جو ریاست میں میرٹ اور انصاف کا بول بالا کرے گی۔