الیکشن کمیشن کی 26 حلقوں میں دوبارہ گنتی کی منظوری

قومی اسمبلی کے 10 اور صوبائی اسمبلیوں کے 16 حلقوں میں ووٹوں کی دوبارہ گنتی ہوگی، الیکشن کمیشن

پیر 30 جولائی 2018 19:53

الیکشن کمیشن کی 26 حلقوں میں دوبارہ گنتی کی منظوری

اسلام آباد (اُردو پوائنٹ اخبارتازہ ترین - این این آئی۔ 30 جولائی2018ء) الیکشن کمیشن آف پاکستان نے 26 حلقوں میں ووٹوں کی دوبارہ گنتی کی منظوری دے دی۔امیدواروں کی جانب سے ووٹوں کی دوبارہ گنتی کی درخواستوں کے بعد الیکشن کمیشن نے قومی اسمبلی کے 10 اور صوبائی اسمبلیوں کے 16 حلقوں پر دوبارہ گنتی کی منظوری دیدی ہے۔

(جاری ہے)

قومی اسمبلی کے ایسے حلقے جہاں دوبارہ گنتی ہونی ہے ان میں این ای57 راولپنڈی، این اے 158 ملتان، این اے 110 فیصل آباد، این اے 129 لاہور، این اے 15 ایبٹ آباد، این اے 10 شانگلہ، این اے 159 ملتان، این اے 170 بہاولپور، این اے 118 ننکانہ صاحب اور این اے 140 قصور شامل ہیں۔

الیکشن کمیشن کے مطابق پنجاب اسمبلی کے حلقہ پی پی 290، 291 اور 292 ڈی جی خان میں بھی دوبارہ گنتی ہوگی جبکہ پی پی 220 ملتان اور پی پی 228 میں بھی ووٹوں کی دوبارہ گنتی کا عمل ہوگا۔