عمران خان قوم کا مسیحا بنے گا،کرپٹ لوگوں سے معاشرے کو پاک کرے گا،
پیر پنجر سرکار کی پیشن گوئی
قوم عمران خان کی پشت پر ہو گی،پاکستان اگلے دو تین سال میں معاشی طور پر دنیا کے 4بڑے ممالک کی صف میں شامل ہو گا، نواز شریف اب کبھی بھی اقتدار میں نہیں آئیں گے، جلد ضمانت پر رہا ، ایک اور کیس میں انہیں سزا ہو گی اور دوبارہ جیل میں چلے جائیں گے
شہباز شریف بھی کرپشن کیسز میں گرفتار ہو جائیں گے اسکے بعد ن لیگ کی64نشستیں کم ہو کر41پر آ جائیں گی
مولانا فضل الرحمن کی سیاست اپنے انجام کو پہنچ گئی اب وہ کبھی ممبر اسمبلی نہیں بن سکتے وہ جلد پجارو سے سائیکل پر آ جائیں گے،سیاست میں حمزہ شہباز شریف کا کوئی مستقبل نہیں
ن لیگ کی قیادت مریم نواز کے ہاتھ جائے گی مگر وہ ن لیگ کو مضبوط نہیں کر سکے گی، ن لیگ کے حصے بخرے ہو جائیں گے،،26اگست 2018ء سے پہلے پہلے ضیاء الحق طیارہ طرز کا کوئی اندوہناک واقعہ رونما ہو سکتاہے
2024ء کے بعد ملک میں صدارتی نظام آئے گا، راحیل شریف ملک کے صدر ہوں گے،خصوصی گفتگو
ہفتہ 4 اگست 2018 00:04
اسلام آباد(اُردو پوائنٹ اخبارتازہ ترین - آن لائن۔ 03 اگست2018ء) معروف روحانی شخصیت پیر پنجر سرکار نے پیشن گوئی کی ہے کہ عمران خان قوم کا مسیحا بنے گا اور کرپٹ لوگوں سے اس معاشرے کو پاک کرے گا، قوم عمران خان کی پشت پر ہو گی۔ پاکستان اگلے دو تین سال میں معاشی طور پر دنیا کے 4بڑے ممالک کی صف میں شامل ہو گا۔ آن لائن سے خصوصی گفتگو کرتے ہوئے پیر پنجر سرکار نے مزید کہا کہ سابق وزیراعظم میاں نواز شریف اب کبھی بھی اقتدار میں نہیں آئیں گے۔ وہ جلد ضمانت پر رہا ہوں گے ایک اور کیس میں انہیں سزا ہو گی اور دوبارہ جیل میں چلے جائیں گے۔ میاں شہباز شریف کے حوالے سے انہوں نے پیش گوئی کرتے ہوئے کہا ہے کہ میاں شہباز شریف کرپشن کیسز میں گرفتار ہو جائیں گے اسکے بعد ن لیگ کی64نشستیں کم ہو کر41پر آ جائیں گی،لیگی ممبران اسمبلی پاکستان تحریک انصاف ارو مسلم لیگ ق میں شمولیت اختیار کریں گے۔
(جاری ہے)
مولانا فضل الرحمن کے بارے میں پیشن گوئی کرتے ہوئے کہا کہ مولانا فضل الرحمن کی سیاست اپنے انجام کو پہنچ گئی اب وہ کبھی ممبر اسمبلی نہیں بن سکتے وہ جلد پجارو سے سائیکل پر آ جائیں گے۔ سیاست میں حمزہ شہباز شریف کا کوئی مستقبل نہیں ہے۔ ن لیگ کی قیادت مریم نواز کے ہاتھ جائے گی مگر وہ ن لیگ کو مضبوط نہیں کر سکے گی۔ ن لیگ کے حصے بخرے ہو جائیں گے، انہوں نے ایک اور پیشن گوئی کرتے ہوئے بتایا کہ پاکستان میں صدارتی نظام ہو گا اور یہ نظام 2024ء کے بعد آئے گا۔ جنرل (ر) راحیل شریف ملک کے صدر ہوں گے۔ بلاول بھٹو زرداری کے حوالے سے انہوں نے پیشن گوئی کی کہ بلاول کا سیاسی مستقبل کوئی نہیں ۔ پیپلز پارٹی کی قیادت فاطمہ بھٹو کرے گی۔ عدلیہ کے حوالے سے انہوں نے پیش گوئی کی کہ موجودہ چیف جسٹس کے بعد جو بھی چیف جسٹس آئے گا وہ جسٹس ثاقب نثار سے بھی اچھے کام کرے گا۔ عدلیہ کا وقار بحال رہے گا۔ کرپٹ لوگ تیزی سے قانون کے شکنجے میں آئیں گے۔ کوئی بھی کرپٹ نہیں بچ سکتا۔ پیر پنجر سرکار نے یکم اگست 1993ء کو عمران خان کے حوالے سے پیشن گوئی کی تھی کہ وہ ہنگامی سربراہ کے طور پر سامنے آئے گا جو آج سچ ثابت ہوئی ہے۔ یکم اگست 1993ء ملک کے موقر روزناموں میں پیر پنجر سرکار کی پیشن گوئی شائع ہو چکی ہے۔ 26اگست 2018ء سے پہلے پہلے ضیاء الحق طیارہ طرز کا کوئی اندوہناک واقعہ رونما ہو سکتاہے ،انہوں نے کہا کہ پاکستان ایک قطب ہے جس کواللہ تعالی ہر سازش سے محفوظ رکھے گا۔
مریم نواز سے متعلق تازہ ترین معلومات
