جماعت اسلامی کا45واںسالانہ اراکین جنرل کونسل کا اجلاس 14,13اکتوبر کو اسلام آباد میں وگا

بدھ 3 اکتوبر 2018 16:58

اسلام آباد(اُردو پوائنٹ اخبارتازہ ترین - آن لائن۔ 03 اکتوبر2018ء) جماعت اسلامی آزاد جموں وکشمیر کے سیکرٹری جنرل راجہ فاضل حسین تبسم نے کہا ہے کہ جماعت اسلامی آزاد جموں وکشمیر و گلگت بلتستان کا 45واں سالانہ اراکین جنرل کونسل کا اجلاس 14,13اکتوبر کو مرکز جماعت اسلامی برما پل کھنہ ڈاک اسلام آباد میں ہو گا ،اجلا س سے امیر جماعت اسلامی پاکستان سینیٹر سراج الحق،امیر جماعت اسلامی آزاد جموں وکشمیر ڈاکٹر خالد محمود خان سمیت پاکستان و آزادکشمیر سے قائدین خطاب کریں گے ،اجلاس میں گذشتہ سال کا جائزہ اور آئندہ کے اہداف طے کیے جائیں گے ،سیاسی پالیسوں پر بحث ایجنڈے کا حصہ ہے ،ان خیالات کااظہار انہوں نے مرکز جماعت میں منعقدہ اجلا س سے خطاب کرتے ہوئے کیا ،انہوں نے کہاکہ اجلاس 13اکتوبر صبح 11بجے دن شروع ہو جائے گا اجلاس میں گلگت بلتستان اور حلقہ مہاجرین مقیم پاکستان کے اراکین جنرل کونسل رات کو ہی مرکز جماعت پہنچ جائیں ۔