Live Updates

عمران خان کا بی جے پی کے بارے میں بیان ’ریورس سونگ‘ ہے، بھارتی وزیراعظم

یاد رکھنا چاہیے کہ عمران خان نے اپنی الیکشن کمپین کے دوران نعرہ لگایا تھا’مودی کا جو یار ہے،وہ غدار ہے‘ نریندر مودی

عثمان خادم کمبوہ جمعرات 18 اپریل 2019 01:05

عمران خان کا بی جے پی کے بارے میں بیان ’ریورس سونگ‘ ہے، بھارتی وزیراعظم

نئی دہلی(اردوپوائنٹ اخبار تازہ ترین۔17اپریل2019ء) بھارتی وزیراعظم نریندر مودی نریندر مودی نے ایک انٹرویو کے دوران عمران خان کے بی جے پی بارے بیان کے حوالے سے بات کرتے ہوئے کہا کہ ہمیں یہ نہیں بھولنا چاہیے کہ پاکستانی وزیراعظم عمران خان ایک کرکٹر رہے ہیں اور ان کا یہ بیان ’ریورس سونگ‘ ہے لیکن بھارتی عوام جانتی ہے کہ انہوں نے ’ریورس سونگ‘ پر کیسے ’ہیلی کاپٹر شاٹ‘ کھیلنا ہے۔

انہوں نے کہا کہ ہمیں نہیں بھولنا چاہیے کہ وزیراعظم عمران خان نے اپنی الیکشن مہم میں نعرہ لگایا تھا کہ ’مودی کا جو یار ہے،وہ غدار ہے،ہ غدار ہے‘۔یاد رہے کہ گزشتہ دنوں پاکستانی وزیراعظم عمران خان نے بیان دیا تھا کہ ہ بی جے پی کے جیتنے کی صورت میں بھارت کے ساتھ مذاکرات کے امکانات زیادہ روشن ہیں۔

(جاری ہے)

عمران خان کا کہنا ہے کہ بی جے پی اقتدار میں آئی تو بھارت کے ساتھ مذاکرات کے امکانات روشن ہو جائیں گے۔

انہوں نے کہا کہ اگر بھارتی جنتا پارٹی اقتدار میں آتی ہے تو کشمیر کے معاملے پر مذاکرات ہونے کے زیادہ امکانات ہیں۔ انہوں کا کہنا تھا کہ اگر کانگرس اقتدار میں آئی تو وہ بی جے پی کے خوف کی وجہ سے مذاکراتسے ہچکچائے گی۔ وزیراعظم نے کہا ہے کہ بھارتی وزیراعظم اسرائیلی وزیراعظم کی طرح قومی جذبات کا ابھارکر الیکشن جیتنا چاہتے ہیں تاہم اگر بی جی پی اقتدار میں آئی تو کشمیر کے معاملے پر پیشرفت ہو سکتی ہے.