عوامی مجلس عمل کی طرف سے ہفتہ شہادت کے پروگراموں کا اعلان
میر واعظ مولوی محمد فاروق کو 21مئی 1990 کو سرینگر میں انکی رہائش گاہ میں پر گولی مار کر شہید کردیا گیاتھا بھارتی فوجیوں نے سرینگر کے علاقے حول میں ان کے جنازے پر اندھا دھند فائرنگ کر کے 70 سوگواروں کو شہید کر دیا تھا‘کشمیریوں سی21مئی کو مکمل ہڑتال کرنے کی اپیل
جمعرات 16 مئی 2019 12:55
(جاری ہے)
عوامی مجلس عمل نے سرینگر میں جاری ایک بیان میں میرواعظ مولوی محمد فاروق ، خواجہ عبدالغنی لون اور شہدائے حول کو زبردست خراج عقیدت پیش کرتے ہوئے کشمیری شہداء کے مشن کو اسکے منطقی انجام تک جاری رکھنے کے عزم کا اعادہ کیا۔
بیان میں کہاگیا ہے کہ ہفتہ شہادت کا آغاز18 مئی بروز ہفتہ کو مرکزی جامع مسجد سرینگر اور عوامی مجلس عمل کے مرکزی اور تمام ضلعی و تحصیل دفاتر پر قرآن خوانی اور دعائیہ مجالس کے ساتھ ہوگا جبکہ انجمن اوقاف جامع مسجد کے زیر اہتمام مقابلہ حسن قرآت کی محفل مرکزی جامع مسجد سرینگر میں منعقد ہوگی۔19 مئی بروز اتوار کو حریت ہیڈ کوارٹر راجباغ سرینگرمیںمیر واعظ عمر فاروق کی سربراہی میں قائم حریت فورم کے زیر اہتمام ایک سیمینار منعقد کیا جائیگا جس میں سرکردہ حریت رہنما میرواعظ مولوی محمد فاروق، خواجہ عبدلغنی لون اورشہدائے حول کو خراج عقیدت پیش کریں گے۔20 مئی بروز پیر کو انجمن نصرت الاسلام کے زیر اہتمام اسلامیہ ہائیر سیکنڈری سکول راجوری کدل کے آڈیٹوریم میں ایک اصلاحی سیمینار’’ عمل سے زندگی بنتی ہے جنت بھی جہنم بھی ‘‘ منعقد ہوگا۔ اس موقعہ پر مجلہ نصرت الاسلام کا خصوصی شہید ملت ایڈیشن بھی جاری کیا جائیگا جبکہ اسی روز بعداز نماز ظہر عوامی مجلس عمل کے زیر اہتمام تنظیم کے مرکزی دفتر میرواعظ منزل راجوری کدل میںکارکنوںکا اجلاس بھی منعقد ہوگا۔عوامی مجلس عمل کے بیان کے مطابق 21 مئی بروز منگل کو میرواعظ مولوی محمد فاروق ،خواجہ عبدالغنی لون ، شہدائے حول اور جملہ کشمیری شہداء کو خراج عقیدت پیش کرنے کیلئے پورے مقبوضہ علاقے میں مکمل ہڑتال کی جائیگی اور بعد ازنماز ظہر عیدگاہ سرینگرمیں اجتماعی فاتحہ خوانی اور اسکے فوراً بعد سرکردہ حریت قائدین جلسہ عام سے خطاب کریں گے جس میںشہداء کے مشن کو اسکے منطقی انجام تک پہنچانے کیلئے اجتماعی طور پرتجدید عہد کیا جائیگا۔ عوامی مجلس عمل نے افسوس ظاہر کیاکہ گزشتہ 28 برس کے دوران پہلی مرتبہ قابض انتظامیہ نے محکمہ صحت کے ڈاکٹر وں کومیر واعظ محمد فاروق کی برسی کے موقع پر منعقد کئے جانیوالے مفت طبی اور عطیہ خون کیمپ میں شرکت سے روک دیاہے۔ کیمپ میں ہزاروں غریبوں اور ضرورتمند بیماروں کا نہ صرف مفت علاج و معالجہ کیا جاتا تھا بلکہ ان ہیںمفت ادویات بھی تقسیم کی جاتی تھیں ۔ادھر غیر قانونی طورپر نظربند حریت رہنماء ایڈووکیٹ شاہد الاسلام نے نئی دلی کی تہاڑ جیل سے جاری ایک پیغام میں میر واعظ مولوی محمد فاروق اور خواجہ عبدالغنی لون کو شاندار خراج عقیدت پیش کیا ہے ۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.