وزیر اعظم عمران خان کے دورہ امریکہ سے پاک امریکہ تعلقات میں ایک نئے دور کا آغاز ہونے جا رہا ہے،
وزیراعظم کا دورہ امریکہ ملک وقوم کی خوشحالی کی طرف اہم قدم ہے، دنیا کے تمام ممالک سے اچھے تعلقات چاہتے ہیں، وفاقی وزیر تعلیم و پیشہ وارانہ تربیت شفقت محمود کا اجلاس سے خطاب اور میڈیا سے گفتگو
پیر 22 جولائی 2019 16:36
(جاری ہے)
وہ پیر کے روز یہاں ایوان اقبال میں پبلشرز اور بک سیلرز کے منعقدہ اجلاس سے خطاب اور میڈیا سے گفتگو کر رہے تھے۔
وفاقی وزیر تعلیم نے کہا کہ وزیر اعظم عمران خان نے کمرشل فلائیٹ کے ذریعے امریکہ جاکر کفایت شعاری کی ایک نئی مثال قائم کر دی ہے کہ مقروض ممالک کے سر براہ کو بے جا اخراجات نہیں کرنے چاہئیں جبکہ گزشتہ حکومتوں کے سربراہ تو کثیر تعداد میں وفد لے کر جاتے تھے جس سے حکومی خزانہ پر بوجھ پڑتا تھا۔ نواز شریف اور عمران خان کے دورے کے اخراجات جلد سامنے لائیں گے۔انہوں نے کہا کہ امریکہ کے چیف پروٹوکول نے وزیر اعظم عمران خان کا ا ستقبال کیا۔ بیرونی ممالک کی دوستیاں مفاد پر مبنی ہوتی ہیں،چین ،روس، امریکہ نے پاکستان کو اشتراک کی دعوت دی۔ سرکاری طور پردعوت نامہ پر امریکی صدر ڈونلڈ ٹرمپ نے وزیر اعظم عمران خان کو دورے کی دعوت دی۔ انہوں نے کہا کہ ملک میں یکساں تعلیم نظام لانے کی کوشش کر رہے ہیں۔ سردیوں تک آٹھویں جماعت تک یکساں نظام تعلیم کیلئے صوبوں کو ہدایت کرینگے۔ نومبر میں علامہ اقبال بک فئیر منعقد کرانے پر غور کیا جائیگا۔ بک فئیر سے لوگوں کا کتابیں پڑھنے کا شوق بڑھے گا۔جب سیاست سے رِیٹائر ہونگا تب کتاب لکھوں گا۔ انہوں نے کہا کہ ملک ایک مشکل معاشی صورتحال سے گز ر رہا ہے۔ بہت جلد بہتری کا سفر شروع ہو جائیگا۔ نیب ایک آزاد اور خود مختار ادارہ ہے۔ قوم کی لوٹی ہوئی رقم کا حساب نیب لے رہا ہے۔انہوں نے کہا کہ پاکستان میں سب سے بڑا مسئلہ ٹیکس کولیکشن ہے۔ لوگ ٹیکس دینا نہیں چاہتے۔ سیاسی جماعت کیلئے فیصلے کرنے مشکل ہوتے ہیں۔ ملک کو اقتصادی طور پر مضبوط کرنے کیلئے سب کو اپنے حصے کا ٹیکس ادا کرنا چاہیے۔ ایمنسٹی کے بعد کسی کو ریلیف دینے کا کوئی پروگرام نہیں ہے۔ ستر سال سے قرض لے رہے ہیں۔ موجودہ حکومت اپنے دور اقتدار میں آٹھ ارب ڈالر حکومتی قرض ادا کر چکی ہے۔ ملک میںاس وقت مشکل حالات ہیں لیکن یہ وقت گزر جائیگا۔ افغانستان میں امن پاکستان کے مفاد میں ہے۔شفقت محمود نے کہا کہ اپوزیشن کو اپنی کرپشن اور منی لانڈرنگ کا حساب کتاب دینا ہوگا۔حکومت کے قیام کے چند روز بعد ہی کہا گیا کہ حکومت چلی جائیگی لیکن وزیر اعظم عمران خان کی مدبرانہ قیادت نے تمام سازشوں کا ڈٹ کر مقابلہ کیا اور اپوزیشن کو ناکامی کے سوا کچھ حاصل نہیں ہوا۔وزیر اعظم عمران خان کسی کو این آر او نہیں دینگے ۔انہوں نے کہا کہ حکومت کتابوں کی اشاعت کیلئے اقدامات کر رہی ہے۔ مسائل بہت ہیں مشکلات کا سامنا ہے۔جدید دور میں کتابوں کی اشاعت چیلنج ہے۔حکومت کوشش کریگی کہ تعلیم اور کتب بینی کو فروغ دیا جائے۔وفاقی وزیر نے کہا کہ جی ڈی پی کی شرح کو بہتر کرنے کی کوشش کر رہے ہیں۔ قبل ازیں وفاقی وزیر تعلیم شفقت محمود سے پبلیشرز اینڈ بک سیلرزایسوسی ایشن کے وفد سے درسی کتب کی بہتری کیلئے مذاکرات ہوئے ۔ایسوسی ایشن کی جانب سے ہر سکول میں سرکاری درسی کتب لگائی جا نے کی تجویز کو منظور کر لیا گیا۔ جتنے بھی پبلشنگ اور کتب سیلرز کے ادارے ہیں ان کو خط لکھے جائیں گے تاکہ کتاب بینی کے فروغ کو یقینی بنا یا جائے ۔کتاب میلے سجائے جائیں، کاغذ سستا کرنے کی تجویز زیر غور ہے۔ ایسوسی ایشن نے مطالبہ کیا کہ کتب بینی کے فروغ کیلئے کتا بیں سستی ہونی چاہئیں۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.