اسلام آباد اورراولپنڈی میں شدید بارش کے باعث موسم خوشگوار ،حبس کا زور ٹوٹ گیا ، شہریوں کے چہرے کھل اٹھے

جمعرات 19 ستمبر 2019 12:53

اسلام آباد (اُردو پوائنٹ اخبارتازہ ترین - این این آئی۔ 19 ستمبر2019ء) وفاقی دارالحکومت اسلام آباد اور جڑاں شہر راولپنڈی میں شدید بارش کے باعث موسم خوشگوار ہوگیا جس سے حبس کا زور ٹوٹ گیا اور شہریوں کے چہرے کھل اٹھے ۔ تفصیلات کے مطابق راولپنڈی اور اسلام آباد کے بیشتر علاقوں میں صبح سویرے بارش ہوئی جس کے باعث موسم خوشگوار ہوگیا ۔

(جاری ہے)

محکمہ موسمیات کے مطابق آئندہ چوبیس گھنٹوں کے دور ان ملک کے بیشتر علاقوں میں موسم گرم اور مرطوب رہیگا جبکہ ہزارہ، راولپنڈی،گوجرانوالہ ڈویژن، اسلام آباد،کشمیر میں کہیں کہیں بارش کا امکان ہے ۔

رپورٹ کے مطابق لاہور، سرگودھا، مالاکنڈ،پشاور،مردان، کوہاٹ اور بنوں ڈویژن میں چند مقامات پر بھی بارش کی پیشگوئی کی گئی ۔ محکمہ موسمیات کے مطابق اگلے چند روز کے دوران جنوبی پنجاب اور سندھ میں کپاس کی چنائی کے بیشتر علاقوں میں موسم خشک اور گرم رہیگا۔