حکومت بھان متی کا کنبہ ہے جو وقت کے ساتھ ساتھ الگ ہونا شروع ہو گیا ہے،پیپلز پارٹی
ملک سے معاشی بدحالی جانے کی بجائے حکومت جاتے ہوئے نظر آرہی ہے ،پاکستان پیپلزپارٹی اب سلیکٹڈ حکومت سے کوئی ڈائیلاگ نہیں کرے گی، ملک میں خوشحالی کے دعوے جھوٹ کے سوا کچھ نہیں ہیں، 27 دسمبر کو بینظیر بھٹو شہید کا یوم شہادت لیاقت باغ راولپنڈی جائے شہادت پر منائیں گے،مرکزی رہنمائوں قمرالزمان کائرہ ، چوہدری منظور حسین و دیگر کی میڈیا سے گفتگو
ہفتہ 7 دسمبر 2019 18:25
(جاری ہے)
انہوں نے کہا کہ کل تک عمران خان جن سیاسی جماعتوں کو برا بھلا کہتے نہیں تھکتا تھا اب انہیں ساتھ ملا کر حکومت کرنے اور حکومت چلانے پر مجبور ہے جبکہ یہ سب ان کی ناکامی کا منہ بولتا ثبوت ہیں ۔
انہوں نے کہا کہ حکومتی وزرا اپنے اتحادیوں کو منانے کیلئے کمیٹیاں بناکر حکومت چلانے میں لگے ہوئے ہیں یہ ملک کیا خاک چلائیں گے ۔انہوں نے کہا کہ میاں محمد نوازشریف کو بیرون ملک جانے کی اجازت دینے کے بعد پوری قوم کو اپنی سیاسی بڑھکوں پر وضاحتیں پیش کرنا انتہائی مضحکہ خیز تھیں جس سے عمران خان اور ان کے حواریوں کی حقیقت کھل کر سامنے آگئی ۔ایک سوال کے جواب میں انہوں نے کہا کہ اب پیپلزپارٹی حکومت کے ساتھ کسی بھی سطح پر ڈائیلاگ نہیں کرے گی۔ انہوں نے کہا کہ ہمیں حکومت اور ملکی نظام چلتا ہوا نظر نہیں آرہا وزیراعظم نے اپنی ضد پر قائم ہوکر وزیر اعلیٰ پنجاب کو تبدیل نہیں کیا بلکہ وزیر اعلیٰ کے اختیارات چیف سیکرٹری کو منتقل کردیئے گئے ہیں۔ انہوں نے کہا گیا آرمی چیف کی مدت ملازمت میں توسیع کے حق میں نہیں تھے البتہ حکومت نے جو اس معاملہ پر رویہ اختیار کیا اس سے تمسخر بنا وہ طریقہ کار غلط تھا حکومت اپنی باتیں چھپانے کیلئے جھوٹ بولتی ہے ۔انہوں نے کہا کہ بیوروکریسی لیپا پوتی سے نہیں چلتی یہاں پر پورا ملک نہ تجربہ کاروں کے ہاتھ میں ہے حکومت کبھی تو اپوزیشن کو گالیاں دیتی ہے اور کبھی مذاکرات کی بات کرتی ہے حکومت کے پاس نہ اسمبلی میں تعداد پوری ہے اور نہ ہی سینٹ میں وزیراعظم نے کچھ وزرا کو گالم گلوچ اور کچھ کو ہمیں قائل کرنے کیلئے چھوڑا ہوا ہے 27 دسمبر کو راولپنڈی لیاقت باغ شہید محترمہ بینظیر بھٹو کی جائے شہادت پر پاکستان پیپلزپارٹی جلسہ کرے گی اور اس کے لئے پورے پنجاب سے پیپلزپارٹی کے کارکن ورکرز اور رہنماؤں سمیت مرکزی قیادت شرکت کرے گی ۔انہوں نے کہا کہ پیپلزپارٹی حکومت کے خلاف میدان میں ہے اور ہر محاذ پر ان کا مقابلہ کریں گے سابق صدر آصف علی زرداری اور فریال تالپور کے معاملہ میں حکومتی مدد کی کوئی ضرورت نہیں ہے سب جانتے ہیں کہ آصف علی زرداری شدید بیمار ہیں ان کے لئے آئینی اور قانونی جنگ لڑیں گے۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.