مقبوضہ کشمیر، ہزاروں افراد کی شہید نوجوانوںکی نماز جنازہ میں شرکت ،سید علی گیلانی کا شہید ہونے والے نوجوانوںکو شاندار خراج عقیدت
اسلام آباد میں کل جماعتی حریت کانفرنس آزاد کشمیر شاخ کے ایک اہم اجلاس میں مقبوضہ کشمیر کی تازہ ترین صورتحال کا جائزہ لیاگیا
پیر 16 مارچ 2020 23:49
(جاری ہے)
کل جماعتی حریت کانفرنس کے چیئرمین سید علی گیلانی نے حال ہی میں اسلام آباد اور بارہمولہ اضلاع میں شہید ہونے والے نوجوانوںکو شاندار خراج عقیدت پیش کرتے ہوئے کہاہے کہ قابض بھارتی فو ج کو مقبوضہ علاقے میں نوجوانوں کو جعلی مقابلوں میں شہید اور بلاجواز گرفتارکرنے کی کھلی چھوٹ دی گئی ہے۔
انہوں نے ایک بیان میں بھارتی فورسز کے ہاتھوں کشمیری نوجوانوں کے قتل عام کی شدید مذمت کرتے ہوئے کہا کہ شہداء کے جنازوں میں ہزاروں کی تعداد میں لوگوں کی شرکت سے واضح ہوتا ہے کہ کشمیری عوام ایک عظیم مقصد کے لیے اپنی جانوں کا نذرانہ پیش کرنے والے نوجوانوں کے ساتھ انتہائی عقیدت رکھتے ہیں ۔ انہوںنے کہاکہ بھارت اوچھے ہتھکنڈوں کے ذریعے کشمیریوں کے جذبہ حریت کو ہرگز دبا نہیں سکتا۔جموںوکشمیر پیپلز لیگ اور جموںوکشمیر یوتھ سوشل فورم وفود شہید نوجوانوں کے اہلخانہ سے اظہار ہمدردی کیلئے کولگام میں انکے گھر گئے ۔ وفود میں احمد شیخ ، مولوی احمد راتھر، زبیر احمد میر، محمد یاسر اور عامر احمد بٹ شامل تھے ۔جموںوکشمیر ڈیموکریٹک فریڈم پارٹی ، جموںوکشمیر اسلامی تنظیم آزادی اور تحریک وحدت اسلامی سمیت حریت تنظیموںنے اپنے الگ الگ بیانات میں شہید نوجوانوںکو زبردست خراج عقیدت پیش کیا ۔بیانات میں کہاگیاہے کہ بھارتی قابض فورسز نے وادی کشمیر کو جہنم بنادیا ہے۔حریت کانفرنس آزاد کشمیر شاخ کے رہنماء غلام محمد صفی نے ایک بیان میں شہداء کو خراج عقیدت پیش کرتے ہوئے کہاکہ نڈر کشمیریوںنے اپنی جانوںکا نذرانہ پیش کر کے بھارت کے غرور کو خاک میں ملا دیا ہے ۔ کل جماعتی حریت کانفرنس کے رہنماء میر شاہد سلیم نے جموں میں نچلی ذاتوںاور دلت تنظیموں کے ایک روزہ کنونشن سے خطاب کرتے ہوئے کہاہے کہ بھارت میں مودی کی فسطائی حکومت جموںوکشمیر کی خصوصی حیثیت کی منسوخی کے غیر قانونی اقدام کے بعد اقلیتوں سے شہریت کاحق چھیننے کے درپے ہے۔ انہوںنے بھارت میں اقلیتوں سے اپیل کی کہ وہ جموںوکشمیر کے عوام کی اپنے حق خودارادیت کے حصول کی منصفانہ جدوجہد کی حمایت کریں ۔ کنونشن میں لوگوںکی بڑی تعداد نے شرکت کی اور نچلی ذاتوں اور طبقوں کے متعدد نمائندوںنے خطاب کیا۔اسلام آباد میں کل جماعتی حریت کانفرنس آزاد کشمیر شاخ کے ایک اہم اجلاس میں مقبوضہ کشمیر کی تازہ ترین صورتحال کا جائزہ لیاگیا ۔ اجلاس کی صدارت حریت کانفرنس کے جنرل سیکریٹری محمد حسین خطیب نے کی ۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.