مقبوضہ کشمیر میں دو بھا رتی فوجیوں نے خودکشی کرلی

غلطی سے فائر ہونے سے پولیس اہلکار زخمی

پیر 6 اپریل 2020 21:29

سرینگر(اُردو پوائنٹ اخبارتازہ ترین - آن لائن۔ 06 اپریل2020ء) مقبوضہ کشمیر میں بانڈی پور اور سمبا اضلاع میں دو ہندوستانی فوجیوں نے خودکشی کرلی۔میڈیا رپورٹ کے مطابق ستیندر کمار تومر نامی ایک ہندوستانی فوجی نے اس وقت خود کو گولی مار کر ہلاک کردیا جب وہ بانڈی پورہ میں 14 راشٹریہ رائفلز کیمپ میں ڈیوٹی پر تھے۔دوسرے بھارتی فوجی مکھن لال (40) نے سامبا ضلعے کے بارڈر روڈ کیمپ پر اپنی سروس رائفل سے خود کو گولی مار کر ہلاک کردیا۔

(جاری ہے)

ان دو واقعات کے ساتھ ، جنوری 2007 کے بعد مقبوضہ کشمیر میں ہندوستانی فوجیوں اور پولیس اہلکاروں میں اس طرح کی ہلاکتوں کی تعداد 450 ہوگئی۔ساوتھ ایشین وائرکے مطابق بھارتی آرمی میں ہمیشہ جوانوں کی خودکشی کی خبریں منظر عام پر آتی رہتی ہیں، ایک سرکاری رپورٹ کے مطابق 2019 میں آرمڈ فورسز میں 1 ہزار 113 جوانوں نے خودکشی کی تھی۔ ان میں سی891 آرمی جوان، 182 ائر فورس اور 40 نیوی کے جوان شامل ہیں۔سرینگر میں ایک پولیس اہلکار بلال احمد اپنی رائفل کی صفائی کے دوران حادثاتی طور پر چلنے کے بعد زخمی ہوگیا۔