راولپنڈی اسلام آباد سمیت ملک کے بالائی علاقوں میں آندھی اور گرج چمک کے ساتھ بارش کا امکان ہے‘ محکمہ موسمیات

ہفتہ 2 مئی 2020 00:01

اسلام آباد ۔ یکم مئی (اُردو پوائنٹ اخبارتازہ ترین - اے پی پی۔ 01 مئی2020ء) راولپنڈی اسلام آباد سمیت ملک کے بالائی علاقوں میں آندھی اور گرج چمک کے ساتھ بارش کا امکان ہے۔ محکمہ موسمیات کے مطابق (آج) ہفتہ کے روز ملک کے بیشتر علاقوں میں دن کے دوران موسم خشک اورگرم رہے گا۔

(جاری ہے)

تاہم شام/رات میں خیبر پختونخوا، اسلام آباد، بالائی و جنوبی پنجاب، شمالی بلوچستان، کشمیر اور گلگت بلتستان میں آندھی اور گرج چمک کے ساتھ بارش کا امکان ہے۔ گذشتہ 24 گھنٹے کا موسم ملک کے بیشتر علاقوں میں موسم گرم اور خشک رہا۔ اس دوران ملک میں زیادہ سے زیادہ درجہ حرارت دادو 47 اورشہید بینظیر آباد، جیکب آباد میں 46 ڈگری سینٹی گریڈ ریکارڈ کیا گیا۔