Live Updates

ملک کے بالائی علاقوں میں (کل) جمعہ کو شام کے اوقات میں بعض مقامات پر آندھی اور گرج چمک کے ساتھ بارش کا امکان

جمعرات 21 مئی 2020 19:51

اسلام آباد ۔ (اُردو پوائنٹ اخبارتازہ ترین - اے پی پی۔ 21 مئی2020ء) وفاقی دارالحکومت اسلام آباد سمیت ملک کے بالائی علاقوں میں (کل) جمعہ کو شام کے اوقات میں بعض مقامات پر آندھی اور گرج چمک کے ساتھ بارش کا امکان ہے۔

(جاری ہے)

محکمہ موسمیات کے مطابق ملک کے بیشتر علاقوں میں موسم خشک اور گرم رہے گا تاہم شام /رات کے دوران اسلام آباد، بالائی خیبر پختونخواہ، بالائی پنجاب، شمال مشرقی بلوچستان، کشمیر اور گلگت بلتستان میں چند مقامات پر آندھی اور گرج چمک کے ساتھ بارش کا امکان ہے۔ گذشتہ 24 گھنٹوں کے دوران ملک کے بیشتر علاقوں میں موسم خشک ا ورگرم رہا۔ اس دوران زیادہ سے زیادہ درجہ حرارت دادو 48، شہید بینظیر آباد، موہنجوداڑو اور جیک آباد 47 ڈگری سینٹی گریڈ ریکارڈ کیا گیا۔