اسلام آباد ائیرپورٹ پر پی ٹی آئی کے مقامی رہنما سے پستول اور 32 گولیاں برآمد

مسافر منصور علی پی ٹی آئی کراچی ملیر کا رہنما ہے،مسافر کے پاس نائن ایم ایم پستول زائد المیعاد لائسنس نکلا

مقدس فاروق اعوان ہفتہ 3 اکتوبر 2020 11:13

اسلام آباد ائیرپورٹ پر پی ٹی آئی کے مقامی رہنما سے پستول اور 32 گولیاں ..

اسلام آباد (اردو پوائنٹ اخبار تازہ ترین۔ 03 اکتوبر 2020ء) ائیرپورٹ پر پی ٹی آئی رہنما سے 9 ایک ایم پستول اور 32 گولیاں برآمد کی گئیں۔تفصیلات کے مطابق اے ایس ایف نےاسلام آباد ائیرپورٹ پر کاروائی کی جس دوران کراچی جانے والے مسافر کے سامان سے 9 ایم ایم پستول اور 32 گولیاں برآمد ہوئیں۔مسافر منصور علی پی ٹی آئی کراچی ملیر کا رہنما ہے۔مسافر منصور علی پرواز پی کے 207 کے ذریعے اسلام آباد سے کراچی جا رہا تھا۔

اے ایس ایف نے اسکینگ کے دوران ان کے ہینڈی کیری سے نائن ایم ایم پسٹل ، تین میگزین اور 32 گولیاں برآمد کر لیں۔ ۔ائیرپورٹ ذرائع کا کہنا ہے کہ مسافر کے پاس نائن ایم ایم پستول کا زائد المیعاد لائسنس تھا۔ اے ایس ایف نے مسافر کو سفر سے روک کر مزید قانونی کارائی کے لیے تھانہ ائیرپورٹ پولیس چوکی کے حوالے کر دیا ہے۔

(جاری ہے)

چند روز قبل امریکی شہری کے سامان سے 8 گولیاں برآمد ہونے کے بعد اے ایس ایف نے حراست میں لے لیا۔

اسلام آباد ایئر پورٹ کی بیرون ملک جانے والے پرواز میں امریکی شہری کے سامان سے نائن ایم ایم کی 8 گولیاں اورمیگزین برآمد ہوا جس پر اے ایس ایف نے امریکی شہری کو حراست میں لے لیا۔اے ایس ایف کے مطابق بین الاقوامی لاونج میں چیکنگ کے دوران مسافر کے سامان سے گولیاں برآمد ہوئیں، مسافر نجی ایئرلائن کے زریعے براستہ ابوظہبی امریکا جا رہا تھا، مسافر کو مزید تفتیش کیلئے اے ایس ایف کنٹرول روم منتقل کر دیا گیا۔

علاوہ ازیں رواں سال اسلام آباد ایئرپورٹ پر اے ایس ایف نے ابو ظہبی جانے والے مسافر عبد اللہ سے پستول 28 گولیاں اور دو میگزین برآمد کرلیں ۔ ذرائع کے مطابق اسلحہ سامان میں چھپا یا گیا تھا اسکیننگ کے دوران بھید کھل گیا ،اے ایس ایف نے مالاکنڈ کے رہاشی عبد اللہ کو تحقیقات کے لئے ائیرپورٹ پورٹ پولیس کے حوالے کردیا ۔