اادائیگیوں میں تاخیر اور کو وڈ- 19 کے باعث کے الیکٹرک کو 2.96 ارب روپے کانقصان کا سامنا
بدھ 28 اکتوبر 2020 22:40
(جاری ہے)
کووڈ 19 وبا کے باعث درپیش مالی مشکلات کے باوجود، کے الیکٹرک نے جنریشن، ٹرانسمیشن اور ڈسٹربیوشن کے شعبوں میں 55 ارب روپے سے زائد کی سرمایہ کاری کی ہے۔
اس کے علاوہ،کووڈ - 19 وبا کے باعث صنعتی اور تجارتی صارفین کی جانب سے بجلی کے استعمال میں نمایاں کمی، زیادہ نقصان والے علاقوں میں لوڈ شیڈنگ سے استثنا اور بجلی چوری کیخلاف کارروائیاں نہ ہونے کی وجہ سے کمپنی کی سیلز بری طرح متاثرہوئی۔تاہم، اس وبائی مرض کے باعث لگائی جانے والی پابندیوں کے باوجود،ٹرانسمیشن اور ڈسٹربیوشن کے نقصانات قابو میں رہے جس میں گزشتہ سال کے مقابلے میں 0.6فیصد کا معمولی اضافہ دیکھا گیا۔اسی طرح مالی سال 2020کے دوران سیلزمیں 0.5 فیصد اضافہ دیکھنے میں آیا۔کووڈ - 19 کے پھیلا میں تیزی آنے سے قبل، کے الیکٹرک نے مزیدمضبوط آپریشنل کارکردگی کا مظاہرہ کیا اورمورخہ 20 مارچ2020 تک، بجلی کے تقسیم کردہ یونٹس میں 3.1فیصد اضافہ ریکارڈ کیاگیااوراس ہی عرصے میں، گزشتہ سال کے مقابلے میں ٹرانسمیشن اور ڈسٹربیوشن کے نقصانات میں 2 فیصد کمی واقع ہوئی۔جون 2020 میں، لاک ڈان میں نرمی کے ساتھ ہی،مالی سال 2021 میں، ادارے کی آپریشنل کارکردگی دوبارہ اپنی مثبت راہ پر آ چکی ہے۔ کے الیکٹرک کے چیف ایگزیکٹیو آفیسر - مونس علوی نے کہا کہ؛ زیر تجزیہ سال، کئی حوالوں سے غیر معمولی مشکلات کا شکار رہا۔ کیونکہ کووڈ 19 وبا اور لاک ڈان کے باعث ادارے نے بلاتعطل بجلی کی فراہمی کو جاری رکھتے ہوئے، اپنی توجہ کمزور عوامی طبقات کی خدمات پر مرکوز رکھی۔ حکومتی اداروں سے قابل وصول واجبات کی عدم ادائیگی کے باعث کمپنی کو درپیش بڑھتی ہوئی مالیاتی مشکلات کے باوجود، کے الیکٹرک نے اپنی نگاہ مستقبل اور کراچی میں توانائی کی محفوظ فراہمی کو یقینی بنانے پر رکھی ہوئی ہے۔ ادارے نے 65 کروڑامریکی ڈالر کی لاگت سے بننے والے BQPS-III منصوبے کی تعمیر کا کام مسلسل جاری رکھا ہوا ہے۔ اس کے پہلے یونٹ سے بجلی کی پیداوار کا آغاز 2021 کے موسم گرما تک متوقع ہے، جبکہ اسی سال کے آخر تک یہ منصوبہ مکمل ہو جائے گا۔ کے الیکٹرک نے نیشنل گرڈ سے اضافی بجلی کے حصول کیلئے انٹر کنکشن کی سہولیات میں بھی اپنی سرمایہ کاری کی رفتار بڑھا دی ہے تاکہ اگلے موسم گرماکے دوران کراچی میں بجلی کی زیادہ مقدار دستیاب ہو سکے۔ یہ منصوبے کے الیکٹرک کے کراچی کو 2023کے موسم گرما سے قبل لوڈشیڈنگ سے مستثنی کرنے کے عزم کے عین مطابق ہیں۔ بڑھتے ہوئے گردشی قرضوں کی صورتحال اور مارک اپ کی رقوم میں اضافہ،کے الیکٹرک کیلئے شدیدتشویش کا باعث بنے ہوئے ہیں، جس کے باعث توانائی کے شعبے کی پائیدار ی اور کارکردگی بھی بری طرح متاثر ہو رہی ہے۔ ستمبر 2020 تک، مختلف وفاقی اور صو بائی اداروں سے کے الیکٹرک کو واجبات کی مد میں قابل وصول رقم 80 ارب روپے سے بھی تجاوز کر چکی ہیں۔کے الیکٹرک نے،مارچ 2020میں مڈٹرم ریویوفائلنگ کے حصے کے طور پر نیپرا(NEPRA) میں ورکنگ کیپٹل ایڈجسٹمنٹ کی درخواست بھی دائر کر رکھی ہے، تاکہ اپنی اس جائز لاگت کووصول کیا جاسکے جو کہ کمپنی کے استحکام کیلئے نہایت ضروری ہے۔یہاں یہ بات بھی قابل ذکر ہے کہ؛ سوئی سدرن گیس کمپنی اور نیشنل ٹرانسمشن اینڈ ڈسپیچ کمپنی /سینٹرل پاور پرچیزنگ ایجنسی کی جانب سے، کے الیکٹرک سے، جن رقوم کا تقاضا کیا جارہا ہے، وہ حقیقی واجب الادا رقم سے بہت زیادہ ہیں۔کیونکہ ان میں متنازعہ مارک اپ کی ایک بڑی رقم شامل کر دی گئی ہے۔ لہذا، یہ معاملہ ابھی عدالت میں زیر بحث ہے، اور معزز عدالت کی جانب سے اس کا فیصلہ نہیں کیا گیا۔ مزید براں، حکومتی اداروں کی جانب سے کے الیکٹرک کی قابل وصول رقوم میں مسلسل اضافے کے باوجود، کے الیکٹرک اپنے فیول سپلائرز اور انڈیپنڈنٹ پاور پروڈیوسرز کو باقاعدگی سے ان کی ماہانہ ادائیگیاں کر رہا ہے، جن میں ایس ایس جی سی(SSGC) اورپی ایس او(PSO) بھی شامل ہیں، تاکہ کاروباری عمل کا تسلسل قائم رہے۔ اگر یہ ادائیگیاں نہ کی جاتیں، تو کے الیکٹرک کے سروس ایریا میں بجلی کی طلب و رسد بری طرح متاثر ہو جاتی، اور وقت کے ساتھ لوڈ شیڈنگ میں اضافہ ہوجاتا۔ ادارہ نے اپنے تمام صارفین کو محفوظ اور قابل بھروسہ بجلی فراہم کرنے کے عزم پر قائم رہتے ہوئے اگلے تین برسوں کے دوران اپنی انرجی ویلیو چین میں 1.5 ارب ڈالر کی اضافی سرمایہ کاری کا منصوبہ بنایا ہے، تاکہ 2023 تک کراچی کو لوڈ شیڈنگ سے مستثنی شہر بنایا جاسکے۔ ادارہ،مزکورہ بالا سرمایہ کاری کے عزم پر قائم ہے،تاہم اس سرمایہ کاری کا انحصار نیپرا کے وسط مدتی ٹیرف ایڈجسٹمنٹ کی منظوری پر ہے،جوکہ مارچ 2020 سے تاخیر کا شکارہے۔مزید اہم خبریں
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
-
خیبرپختونخواہ میں بلدیاتی ضمنی الیکشن، تحریک انصاف کلین سوئپ کرنے میں کامیاب
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
-
آرمی چیف جنرل سید عاصم منیر سے ترک بری افواج کے کمانڈر جنرل سیلکوک بیریکتر اوغلو کی ملاقا ت، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال
-
آرامکو نے گو پٹرولیم کے 40 فیصد حصص کا حصول کر لیا
-
صدر آصف علی زرداری نی ترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
-
غزہ میں مستقل امن قائم کیے بغیر دنیا میں امن قائم نہیں ہو سکتا ، شہبازشریف
-
آئی ایم ایف نے پاکستان کیلئے 1.1 ارب ڈالر قسط کی منظوری دے دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.