اسرائیلی میڈیا کا نیتن یاہو کے خفیہ دورے کا دعویٰ

سعودی جزیرے پر اسرائیلی وزیراعظم نے سعودی ولی عہد محمد بن سلمان سے پانچ گھنٹے تک ملاقات کی ہے۔اسرائیلی میڈیا کی رپورٹ

محمد عرفان پیر 23 نومبر 2020 13:34

اسرائیلی میڈیا کا نیتن یاہو کے خفیہ دورے کا دعویٰ

جدہ(اُردو پوائنٹ اخبارتازہ ترین ،23 نومبر2020ء ) اسرائیلی میڈیا کا دعویٰ ہے کہ اسرائیلی وزیر اعظم بنجمن نیتن یاہو نے اسرائیلی خفیہ ایجنسی موساد کے سربراہ کے ہمراہ اتوار کے روزسعودی عرب کا خفیہ دورہ کیا ہے جہاں انہوں نے سعودی ولی عہد محمد بن سلمان سے ملاقات کی۔ اس ملاقات کے دوران امریکی سیکرٹری آف سٹیٹ مائیک پومپیو بھی موجود تھے۔ اسرائیلی میڈیا کے دعوے کے مطابق اسرائیلی حکومت کے ذرائع کا کہنا ہے کہ یہ کسی بھی اسرائیلی وزیر اعظم کا پہلا دورہ تھا۔

اسرائیلی وزیر اعظم نے بحیرہ احمر کے نیوم جزیرے پر محمد بن سلمان نے پانچ گھنٹے تک ملاقات کی۔ اس موقع پر ان کے ہمراہ موساد کے چیف یوسی کوہن بھی موجود تھے۔اسرائیلی وزیر اعظم اور موساد چیف کے سعودی عرب کے دورے سے متعلق اسرائیل یا امریکی اور سعودی حکومت کی جانب سے کوئی تصدیقی بیان سامنے نہیں آیا۔

(جاری ہے)

تاہم یہ رپورٹس اس وقت سامنے آئی جب ٹویٹر صارفین نے دعویٰ کیا کہ اتوار کو تل ابیب سے سعودی جزیرے نیوم کی جانب ایک پرائیویٹ جیٹ نے اُڑان بھری تھی۔

ABSOLUTELY rare Israeli flight direct to new Saudi mega-city Neom on Red Sea shore

It was Bibi's ex-fav bizjet t7-cpx. Back to Tel Aviv after 5 hours on ground pic.twitter.com/Ty9aedYbsK
— avi scharf (@avischarf) November 23, 2020

جس سے یہ قیاس آرائیاں شروع ہو گئیں کہ یقینا اسرائیلی اور سعودی حکمرانوں کے درمیان کوئی خفیہ ملاقات ہوئی ہے۔پومپیو کی جانب سے آج سوموار کے روز بتایا گیا ہے کہ سعودی عرب کے ولی عہد محمد بن سلمان سے گزشتہ رات ہونے والی بات چیت بہت تعمیری رہی ہے۔ تاہم انہوں نے اسرائیلی لیڈر کی اس ملاقات کے دوران موجودگی کے حوالے سے کوئی بات نہیں کی۔

مائیک پومپیو نے اسرائیل کے دیگر خلیجی ممالک کے ساتھ تعلقات میں بہتری لانے کے لیے سات خلیجی ممالک کا دورہ کیا ہے۔ جس دوران وہ سعودی عرب بھی گئے۔ پومپیو نے اپنے ایک ٹویٹ میں کہا کہ ان کی سعودی ولی عہد محمد بن سلمان کے ساتھ ملاقات بہت اچھی رہی،

Pleasure to meet with Saudi Crown Prince Mohammed bin Salman. Our security and economic partnership is strong and we'll continue to harness it to advance efforts to counter malign Iranian influence in the Gulf, economic goals under the Vision 2030 plan, and human rights reform. pic.twitter.com/2Kt22Ne4vn
— Secretary Pompeo (@SecPompeo) November 23, 2020

جس میں سیکیورٹی اور معاشی شعبوں میں تعاون کو بڑھانے پر زور دیا گیا اس کے علاوہ خلیج میں ایرانی اثر و نفوذ کو روکنے پر بھی بات چیت کی گئی۔ سعودی ویژن 2030ء اور انسانی حقوق سے متعلق اصلاحات بھی زیر بحث آئیں۔