موجودہ حکومت شریف خاندان کو سیاسی انتقام کا نشانہ بنا رہی ہے، حکومت ہر معاملے میں ناکام ہوئی ہے ‘ مریم اورنگزیب
ملکی معیشت کا جنازہ نکل چکا، سٹیٹ بنک کی رپورٹ کے مطابق تباہی کا سفر جاری ہے، یہ رپورٹ حکومت کے خلاف فرد جرم ہے ملک پر سیاسی انتقام میں اندھوں کی حکومت ہے ، نواز شریف ڈاکٹرز کی ہدایات پر ہی وطن واپس آئینگے‘ سیکرٹری اطلاعات کی میڈیاسے گفتگو
منگل 24 نومبر 2020 16:35
(جاری ہے)
انہوں نے کہا کہ موجودہ چور اورکرپٹ ٹولہ کرونا کی شکل میں حکومت کوعوام پر مسلط کیاگیا،موجودہ سلیکٹڈ ٹولے کو پتہ ہے وہ نااہل ہے ،ہر شعبہ میں ڈاکہ ڈالا جارہاہے ،حالیہ اسٹیٹ بینک کی رپورٹ عمران خان اور ٹولے پر فرد جرم ہے ،فرد جرم کرائے کے ترجمانوں پر ہے کہ معیشت بحال ہو رہی ہے ۔
انہوں نے کہا کہ حکومت کہتی ہے کہ پی ڈی ایم جلسے کی وجہ سے کرونا اور معیشت تباہ ہو گئی ہے حالانکہ نااہلوں کی وجہ سے روزگار کا جنازہ نکل چکا ہے ،جنہوں نے حکومتی کرپشن کو سامنے لانا تھا انہیں جیل میں ڈال دیا گیا،معاشی تباہی کا سفر جاری و ساری ہے آئندہ بھی معیشت تباہ ہوگی۔ انہوںنے کہا کہ (ن)لیگ کے دور میں معیشت پانچ اعشاریہ آٹھ فیصد تھی ،موجودہ حکومت کے پہلے سال میں ایک اعشاریہ نو فیصد پر چلی گئی ،دوسرے سال گروتھ ریٹ منفی صفر اعشاریہ چار فیصد ہوا،1952کے بعد جی ڈی پی گروتھ منفی صفر اعشاریہ چار پرگیا ہے ۔ورلڈ بینک کہتا ہے معاشی گروتھ شاید ایک فیصد پر چلی جائے ،لوگوں کی بڑی تعداد خط غربت سے نیچے چلی گئی ہے ۔آج اشیائے خوردونوش کی قیمتیں آسمان پر پہنچ گئی ہیں، ہمارے دور میں مہنگائی تین اعشاریہ نو فیصد تھی اب یہی مہنگائی سات اعشاریہ ایک فیصد تک چلی گئی، خوراک کی قیمتوں میں اضافہ چودہ اعشاریہ چھ فیصد پر پہنچ چکا ہے ۔ انہوں نے کہا کہ حکومت نے ایک کروڑ نوکریاںدینی تھی لیکن چالیس لاکھ لوگ بے روزگار ہوئے ،یہ بجٹ خسارے پر کنٹینر پر تقریریں کرتے رہے ،موجودہ حکومت کے دور میں قرضوںمیں تاریخی اضافہ ہوا ، یہ کہتے تھے کہ قرضہ نہیں لیں گے کشکول توڑ دیں گے ہاتھ نہیں پھیلائیں گے چودہ ہزار ارب روپے کا حکومت نے قرضہ لیا ہے ، ڈھائی سال میں ٹیکس وصولی صفر رہی ،ٹیکس کا ٹارگٹ 5555ارب رکھا گیا لیکن 3950بلین اکٹھے ہوئے ،برآمدات میں کمی ہوئی ہے ،معیشت کو گیراج میں بند کر دیا گیا، برآمدات جو پہلے 24.75تھیں اب 1.8ارب ڈالر تک پہنچ گئی ہیں۔ انہوں نے کہا کہ کرائے کے ترجمان صرف (ن) لیگ ،نوازشریف ،شہبازشریف ،حمزہ اور مریم پر تنقید کرتے ہیں ان کی اور کوئی کارکردگی نہیں،عوام کو غریب و بے روزگار کرکے، بجلی و گیس بلوں میں اضافہ کیا جارہاہے ، عمران خان کو اس لئے فکر نہیں کیونکہ ان کی اے ٹی ایمز ان کے اخراجات پورے کرتی ہیں،حلقہ یاراں بنی گالہ میں نوکریاں مل رہی ہیں ،ان سب کے بینک بیلنس بحال ہوگئے ۔انہوںنے کہاکہ انسان منافق و جھوٹا ،سیاسی انتقام میںاندھا ہو ظالم ہو تو اللہ تعالی برکت نہیں ڈالتا بلکہ اس کے ہاتھوں لوگوں کو ریلیف نہیں مل سکتا ،شہبازشریف کو بے گناہ جیل میں رکھیں گے آواز بند کرنے کی کوشش ہوگی تو آٹاچینی مہنگی رہے گی۔انہوں نے کہاکہ ملک کا وزیر اعظم کہتا ہے کہ پی ڈی ایم جلسوں سے لاک ڈائون کروں گا تو معیشت ختم ہوجائے گی حالانکہ یہ پہلے ہی معیشت کوختم چکے ہیں۔(ن) لیگ پی ڈی ایم کے ساتھ مل کر حکومت کا خاتمہ کرے گی اور معاشی پلان دیں گے ،عمران خان کے گھر جانے کا وقت قریب ہے ۔عوام جانتی ہیں کہ کون معیشت ٹھیک ،کون نوجوانوں کو روزگار دے سکتاہے۔ انہوں نے کہا کہ پی ڈی ایم گیارہ جماعتی اتحاد ہے ،یہ عوامی تحریک ہے اورہمارے مذاکرات عوام کے ساتھ ہورہے ہیں، یہ ریفرنڈم ہی نااہل ٹولے کے گھر جانے کا باعث بنے گا،نااہل حکومت (ن)لیگ کی قیادت پر بات کے علاوہ کچھ نہیں کرتی ۔ انہوںنے کہا کہ چارٹر آف پاکستان میں ہر شق کو آئین کے مطابق بنا رہے ہیں آئینی حدود ، انسانی حقوق، جمہوریت اور جمہوری اصول چارٹر آف پاکستان پر دستخط کریں گے ،مریم نواز کا اسٹیبلشمنٹ سے بات چیت کا بیان سب کے سامنے آگیاہے ،پی ڈی ایم جمہوری اتحاد ہے ،جو فیصلہ ہوگا وہ پی ڈی ایم میں ہوگا۔انہوںنے کہاکہ گلگت بلتستان میں عمران کہتے رہے چوروں کو ووٹ نہ دو ،لوٹوں اور آزاد امیدواروں کو نہیں لوں گا لیکن حکومت نے انتظامیہ کو استعمال کرکے پری پول رگنگ کی ،آج سپیکر گلگت بلتستان (ن) لیگ کا ہے ،سات سیٹیں پی ٹی آئی نے جیتیں ،پھر آزاد امیدواروں اورلوٹوں کو شامل کرو تویہی تاریخی شکست ہے ،عوام لوٹوں کو مسترد کر چکی ہے ،اب لوگ لوٹوں کو ووٹ نہیں دیتے ۔ انہوں نے کہا کہ آج ملک پر سیاسی انتقام میں اندھوں کی حکومت ہے ، نواز شریف ڈاکٹرز کی ہدایات پر ہی وطن واپس آئیں گے۔علاوہ ازیں اپنی ٹوئٹ میں انہوںنے کہا کہ شہبازشریف کی والدہ کے انتقال کو دودن ہوگئے لیکن ابھی تک شہبازشریف اور حمزہ شہباز کو رہا نہیں کیاگیا۔مزید اہم خبریں
-
وزیر اعلی سندھ سید مراد علی شاہ کی زیر صدارت سکھر ڈویژن کا اجلاس ، بجٹ سمیت دیگر امور زیر بحث آئے
-
وزیراعظم محمد شہبازشریف کی زیر صدارت وفاقی کابینہ کااجلاس شروع
-
پنجاب کے 8 شہروں میں سی بی ڈی بزنس سنٹرز قائم کرنے کافیصلہ
-
شہریوں کو سستی اشیاء کی فراہمی، بجٹ میں وزیرِاعظم ریلیف پیکیج کیلئے فنڈز مختص کیے جانے کا امکان
-
پنجاب حکومت کا اعلانات کے باوجود گندم خریدنے سے گریز‘کسانوں کے صبر کا پیمانہ لبریزہونے لگا
-
بھارتی انتخابات تیسرے مرحلے میں داخل:بی جے پی کا گڑھ سمجھے جانے 93 حلقوں میں پولنگ جاری ہے
-
جسٹس محسن اختر کیانی کا سوشل میڈیا مہم پر توہین عدالت کی کارروائی کیلئے خط
-
نواز شریف نے توشہ خانہ ریفرنس میں بریت کی درخواست دائر کردی، فریقین کو نوٹسز جاری
-
برطانیہ میں شہزاد اکبر پر تیزاب حملے کی تحقیقات بند
-
چیف جسٹس کی مدت طے کرنے کا مطالبہ بارز کی طرف سے آیاہے،رانا ثناءاللہ
-
اقوام متحدہ‘امریکا سمیت عالمی برادری کے انتباہ کے باوجود اسرائیل کا رفح پر ایک اور حملہ‘11فلسطینی شہید
-
بیرونی خلا میں ہتھیارو ں کی تنصیب روکنے کے لئے موثر اقدامات کئے جائیں، اقوام متحدہ میں پاکستان کے مستقل مندوب کا جنرل اسمبلی میں مباحثے کےد وران اظہار خیال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.