وزیراعظم کے دیرینہ ساتھی کرونا وائرس کے باعث انتقال کر گئے

جاوید گردیزی کے انتقال پر غمزدہ ہوں، وہ 24 سال پہلے تحریک انصاف کی تشکیل کے بعد میرے ساتھی بنے، ملتان اور جنوبی پنجاب کے دوروں پر ہمیشہ ان کے ہاں قیام کرتا تھا: عمران خان کا ٹوئٹ

محمد علی جمعرات 26 نومبر 2020 00:31

لاہور (اُردوپوائنٹ اخبار تازہ ترین ۔ 25 نومبر 2020ء) وزیراعظم کے دیرینہ ساتھی کرونا وائرس کے باعث انتقال کر گئے۔ تفصییلات کے مطابق وزیراعظم عمران خان اپنے دیرینہ ساتھی سے محروم ہوگئے ہیں۔ وزیراعظم نے بدھ کی شب کیے گئے ٹوئٹ میں اپنے دوست کے انتقال کی خبر دی۔

Saddened to learn of Javed Gardezi's death from COVID 19. He joined us when we formed our Party 24 years ago. He was a generous host when I used to stay with him in Multan during my South Punjab political tours. My heartfelt condolences and prayers go to his family. pic.twitter.com/sYd6vNzGl0
— Imran Khan (@ImranKhanPTI) November 25, 2020

عمران خان کی جانب سے کیے گئے ٹوئٹ میں بتایا گیا ہے کہ کرونا وائرس کی وجہ سے جاوید گردیزی کے انتقال پر غمزدہ ہوں۔

جاوید گردیزی 24 سال پہلے تحریک انصاف کی تشکیل کے بعد میرے ساتھی بنے۔

(جاری ہے)

ملتان اور جنوبی پنجاب کے دوروں پر ہمیشہ ان کے ہاں قیام کرتا تھا۔ جاوید کے انتقال پر ان کے اہل خانہ سے تعزیت کرتا ہوں۔ واضح رہے کہ کرونا وائرس کی دوسری لہر نے ملک کو دوبارہ بہت بری طرح متاثر کیا ہے۔ بدھ کے روز کئی ماہ بعد پہلی مرتبہ ملک بھر میں 3 ہزار سے زائد کرونا وائرس کیسز رپورٹ ہوئے۔ جبکہ مہلک عالمی وبا کی وجہ سے ملک کے ایک اور نامور سیاستدان انتقال کر گئے۔ مسلم لیگ فنکشنل سے تعلق رکھنے والے سابق وفاقی وزیر جادم منگریو کئی روز تک ہسپتال میں زیر علاج رہنے کے بعد بدھ کے روز کرونا وائرس کے باعث انتقال کر گئے۔