Live Updates

ایران کے تحمل کو کمزوری نہ سمجھا جائے ‘ ایران کے نئے سمندری قوانین کا احترام کیا جائے.ایرانی ترجمان

امریکی حملے کے جواب میں ایران نے میزائل داغے‘ ایک ہی غلطی کو دہرانے سے مختلف ردعمل نہیں ملے گا جواب زورسخت ہوگا. اسماعیل بقائی اور ایرانی سلامتی کونسل کے رکن کا بیان

میاں محمد ندیم جمعہ 8 مئی 2026 18:37

ایران کے تحمل کو کمزوری نہ سمجھا جائے ‘ ایران کے نئے سمندری قوانین ..

تہران(اردوپوائنٹ اخبارتازہ ترین-انٹرنیشنل پریس ایجنسی۔08 مئی ۔2026 ) ایران کی وزارت خارجہ کے ترجمان اسماعیل بقائی نے کہا خبردار کیا ہے کہ ایران کے تحمل کو کمزوری نہ سمجھا جائے امریکا کے ایران میں دو اہداف کو نشانہ بنانے کے دعوے کے جواب میں تہران کی جانب سے سخت ردِعمل سامنے آیا ہے اور ایران نے دعویٰ کیا ہے کہ امریکی حملے کے جواب میں ایران نے میزائل داغے.

ادھر ایرانی پارلیمان کے رکن اور قومی سلامتی و خارجہ پالیسی کمیٹی کے سربراہ ابراہیم عزیزی نے انسٹاگرام پر لکھا کہ ایک ہی غلطی کو دہرانے سے مختلف ردعمل نہیں ملے گا جواب زورسخت ہوگا ایران کے نئے سمندری قوانین کا احترام کیا جائے.

(جاری ہے)

اس سے قبل امریکی صدر ڈونلڈ ٹرمپ نے کہا تھا کہ سب سے پہلے ایران نے امریکی بحری جہازوں پر حملہ کیا ہمارے پاس تین امریکی ڈسٹرائرز موجود تھے جو آبنائے ہرمز سے بغیر کسی نقصان کے گزر گئے جوابی کارروائی میں ایران کی متعدد چھوٹی کشتیاں مکمل طور پر تباہ کر دی گئیں جبکہ امریکی جہازوں کو نشانہ بنانے والے میزائلوں کو آسانی سے مار گرایا گیا.

ایرانی فوج نے امریکہ پر جنگ بندی کی خلاف ورزی کا الزام عائد کرتے ہوئے کہا کہ امریکی کارروائیاں کشیدگی کو مزید بڑھا رہی ہیں ‘ایران کا دعوی ہے کہ امریکا نے جن پانچ چھوٹی کشتیوں کو نشانہ بنایا ہے وہ سویلین تھیں اور ان میں عام شہری سوار تھے ‘ایران نے اس حملے کو بدترین جنگی جرائم میں سے ایک قراردیتے ہوئے خبردارکیا تھا کہ امریکا بدلے کے لیے تیار رہے.