معروف عالم دین اور جامعہ احسن العلوم کے مہتمم مفتی زر ولی خان کوورنا وائرس کے باعث انتقال کرگئے

پیر 7 دسمبر 2020 23:29

کراچی (اُردو پوائنٹ اخبارتازہ ترین - این این آئی۔ 07 دسمبر2020ء) معروف عالم دین اور جامعہ احسن العلوم کے مہتمم مفتی زر ولی خان کوورنا وائرس کے باعث انتقال کرگئے۔ترجمان انڈس ہسپتال کے مطابق مفتی زر ولی کورونا کے سبب انڈس ہسپتال میں زیر علاج تھے جہاں ان کا انتقال ہوا۔

(جاری ہے)

شیخ الحدیث مفتی زر ولی خان جامعہ احسن العلوم کراچی کے مہتمم تھے۔مفتی زر ولی خان پھپیھڑوں کے عارضے میں مبتلا تھے اور کافی عرصے سے آکسیجن پر تھے۔مولانا زر ولی خان 1953 میں جہانگیرہ میں پیدا ہوئے اور انہوں نے دینی تعلیم بنوری ٹائون سے حاصل کی جس کے بعد 1978 میں گلشن اقبال میں مدرسہ احسن العلوم کی بنیاد رکھی جو اب جامعہ احسن العلوم کے نام سے پہچانی جاتی ہے۔