کراچی،موسمیات کے قریب پیزا شاپ میں گیس کے اخراج سے خوفناک دھماکہ،خاتون دو بچوں سمیت جاں بحق،کے الیکٹرک کی3 ملازم زخمی
جمعرات 8 اپریل 2021 00:55
(جاری ہے)
تفصیلات کے مطابق گلستان جوہر تھانے کی حدودمین یونیورسٹی روڈ نزدموسمیات اسٹاپ کے قریب واقع رہائشی کراؤن گارڈن اپارٹمنٹ میں قائم پیزا شاپ میں زور دار دھماکہ ہوا جس کی آواز دورتک سنی گئی اور خوف وہراس پھیل گیا، دھماکے کی اطلاع پاکر پولیس، رینجرز اور ریسکیوکا عملہ موقع پر پہنچ گیا،پولیس نے جائے وقوعہ کو گھیرے میں لے کر لوگوں کو جائے وقوعہ سے دور کیا،اس موقع پر شہری بھی ہجوم کی صورت میں موقع پر موجود تھے،تاہم پولیس نے واقعے کی جانچ کیلئے بم ڈسپوزل اسکوڈ کے عملے کو بھی طلب کرلیا، دھماکے نتیجے میں جاںبحق اور اور زخمی افراد کو اسپتال منتقل کیا گیا،ایس پی گلشن معروف عثمان کے مطابق دھماکے سے دکان کی عقبی دیوار گری ہے،دیوار گرنے سے خاتون اور اسکے دو بچے جاں بحق ہوئے ہیں،جبکہ تین دکانوں کو شدید نقصان پہنچا،جن میں ایک پیزا شاپ،ایک اسٹیٹ ایجنسی اور برڈ شاپ شامل ہیں، دھماکے سے کے الیکٹرک کے ٹرک سمیت تین گاڑیوں کو بھی شدید نقصان پہنچا ہے ،جبکہ دکانوں کے سائن بورڈاور کے الیکڑک کی گاڑی میں موجود سامان سڑک پر بھکر گیا، ایس پی کے مطابق کے الیکڑک کا عملہ گاڑی سمیت موقع پر موجود تھا جو کام میں مصروف تھا،واقعے میں کے الیکڑ ک کے ڈرائیور سمیت تین ملازمین زخمی ہوئے جبکہ گاڑی کے ڈرائیور کی حالت تشویش ناک ہے، پولیس کے مطابق دھماکے کے نتیجے میں32 سالہ ماں سعدیہ اور اس کے معصوم بچے 2 سالہ عبداللہ علی اور4 سالہ فاطمہ علی جاں بحق ہوگئے،جبکہ تین افراد برہان اور وقار زخمی ہوئے،زخمیوں میں ایک کی حالت تشویشناک بنائی جاتی ہے ،پولیس کا کہنا ہے کہ واقعے سے قبل جاں بحق خاتون اپنے بچوں کے ہمراہ بھائی کے گھر آرہی تھی، ابھی وہ سیڑھیوں پر تھی کہ دھماکہ ہوگیا،جس کے نتیجے میں خاتون بچوں سمیت جان سے گئیں،متوفیہ ماں اوربچے گلستان جوہر بلاک چار کے رہائشی تھے،لاشیں گھر پہنچے پر کہرام مچ گیا،موقع پر موجود اہل محلہ کاکہنا تھاکہ دھماکے کی شدت اتنی تھی کہ ایسا لگا کے زلزلہ آگیا، بچے،بوڑھے اور خواتین ڈر کر اٹھ گئے،علاوہ ازیںواقعے کی جانچ کرنے والے بم ڈسپوزل اسکواڈ کے عملے نے دھماکے کی رپورٹ بھی جاری کردی ،رپورٹ کے مطابق پیزا شاپ میں سلینڈر سے گیس کے اخراج کے باعث دھماکہ ہوا، واقعہ میں تخریب کاری کے شواہد نہیں ملے ہیں،واقعہ کے وقت کے الیکٹرک کا عملہ کام کر رہا تھا، بجلی آن آف کے دوران شارٹ سرکٹ سے گیس دھماکہ ہوا،ایس پی کے مطابق دھماکے کے بعد عمارت کو چیک کرنے کے لئے بلڈنگ کنٹرول کے عملے کو بھی طلب کرلیا جو عمارت کی جانچ کے بعد رپورٹ جاری کرینگا
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.