Live Updates

وزیرخزانہ کی مہنگائی پر کنٹرول کے اقدامات پر صوبائی اور وفاقی حکام کو بھرپوراقدامات کی ہدایت

ہروزارت، محکمہ اور تنظیم اس سلسلے میں اپنا اپنا کردار ادا کرے، وفاقی وزیر خزانہ شوکت ترین کا اجلاس سے خطاب

پیر 14 جون 2021 21:45

وزیرخزانہ کی مہنگائی پر کنٹرول کے اقدامات پر صوبائی اور وفاقی حکام ..

اسلام آباد (اُردو پوائنٹ اخبارتازہ ترین - این این آئی۔ 14 جون2021ء) وزیر خزانہ شوکت ترین نے مہنگائی پر کنٹرول کے اقدامات پر صوبائی اور وفاقی حکام کو بھرپور اقدامات کی ہدایت کرتے ہوئے کہا ہے کہ ہر وزارت، محکمہ اور تنظیم اس سلسلے میں اپنا اپنا کردار ادا کرے۔پیر کو وزیر خزانہ شوکت ترین کی زیر صدارت قومی پرائس مانیٹرنگ کمیٹی کا اجلاس ہوا جس میں وفاقی وزراء، مشیروں اور معاونین سمیت صوبائی چیف سیکرٹریز اور دیگر حکام نے شرکت کی ۔

وزیر خزانہ نے کہاکہ وزیراعظم پاکستان کے ہر غریب شہری کیلئے آسانیاں لانا چاہتے ہیں، عام آدمی کی زندگی بہتر بنانے کیلئے جامع حکمت عملی کے تحت خوشاں ہیں۔ انہوںنے کہاکہ نئے مالی سال کیلئے پیش کردہ بجٹ اسی پہلو کو مدنظر رکھتے ہوئے تیار کیا گیا ہے، ہر وزارت، محکمہ اور تنظیم اس سلسلے میں اپنا اپنا کردار ادا کرے۔

(جاری ہے)

وزیر خزانہ نے کہاکہ روزمرہ استعمال کی اشیاء کی قیمتوں کا عام آدمی پر براہ راست اثر پڑتا ہے، ۔

اجلاس میں سیکرٹری خزانہ کی نیشنل پرائس کمیٹی کو مہنگائی کے رجحان پر بریفنگ دی گئی ۔ سیکرٹری خزانہ نے کہاکہ گذشتہ ہفتے مہنگائی کی شرح میں 0.59 فیصد کمی ریکارڈ کی گئی، گذشتہ سے پیوستہ ہفتے مہنگائی کی شرح میں 0.61 فیصد کمی ریکارڈ کی گئی تھی۔ انہوںنے کہاکہ روزہ مرہ اشیائے ضروریہ میں سے 9 کی قیمتوں میں کمی ریکارڈ کی گئی، روزمرہ اشیاء میں سے 14 میں معمولی اضافہ اور 28 میں استحکام رہا، اجلاس میں اہم ضرورت کی اشیاء کے دستیاب ذخائر کا بھی جائزہ لیا گیا۔ وزیر خزانہ نے وزیر خزانہ کی مہنگائی پر کنٹرول کے اقدامات پر صوبائی اور وفاقی حکام کو بھرپور اقدامات کی ہدایت کی