وزیراعلیٰ پنجاب نے دو افسروں کو عہدوں سے ہٹا دیا

لاہور (اُردو پوائنٹ تازہ ترین اخبار۔ 30 جولائی 2021ء) : وزیراعلیٰ پنجاب عثمان بزدار نے فرائض سے غفلت برتنے پر 2 افسروں کو عہدوں سے ہٹا دیا۔ تفصیلات کے مطابق وزیراعلیٰ پنجاب نے ملتان ڈویلپمنٹ اتھارٹی کے ڈائریکٹر جنرل آغا محمد علی عباس کوعہدے سے ہٹا دیا گیا۔ آغا محمد علی عباس کو سروسز اینڈ جنرل ایڈمنسٹریشن ڈیپارٹمنٹ رپورٹ کرنے کی ہدایت کردی گئی۔

وزیراعلیٰ پنجاب نے علی عباس کی جگہ کمشنر ملتان جاوید اختر محمود کو ملتان ڈویلپمنٹ اتھارٹی کے ڈائریکٹر جنرل کا اضافی چارج دے دیا۔ دوسری جانب وزیراعلیٰ پنجاب سردار عثمان بزدار نے ایڈیشنل ایس پی کینٹ ڈویژن ملتان کامران عامر خان کو بھی عہدے سے ہٹا دیا۔ کامران عامر خان کو سٹی پولیس آفس رپورٹ کرنے کی ہدایت کردی گئی۔

(جاری ہے)

وزیراعلیٰ پنجاب عثمان بزدار نے کہا کہ کام نہ کرنے والے افسروں کے لیے پنجاب میں کوئی جگہ نہیں ہے۔

سرکاری فرائض کی ادائیگی میں کوتاہی قطعا برداشت نہیں کروں گا۔ انہوں نے کہا کہ عوام کے مسائل میں غفلت پر کسی سے کوئی رعایت نہیں ہو گی۔ یاد رہے کہ اس سے پہلے بھی وزیر اعلیٰ پنجاب عثمان بزدار نے لاہور ویسٹ مینجمنٹ کمپنی کے چیف ایگزیکٹو آفیسر کی ناقص کارکردگی پر ناراضگی کا اظہار کرتے ہوئے انہیں عہدے سے ہٹا دیا گیا تھا۔ عثمان بزدار نے لاہور کے مختلف علاقوں کا بغیر پروٹوکول کے دورہ کیا۔

وزیراعلیٰ پنجاب نے بعض علاقوں میں صفائی کی صورتحال کا جائزہ لیا۔ وزیر اعلیٰ عثمان بزدار نے شہر کے بعض علاقوں میں صفائی کے ناقص انتظامات پر سخت برہم کیا اور لاہور ویسٹ مینجمنٹ کمپنی کے چیف ایگزیکٹو آفیسر کو عہدے سے ہٹا دیا گیا تھا۔ اس موقع پر گفتگو کرتے ہوئے عثمان بزدار نے کہا کہ عوام کے مسائل حل نہ کرنے والے افسران کو عہدوں پر رہنے کا کوئی حق نہیں۔ جو افسر عوامی مسائل حل نہیں کر سکتا وہ پنجاب چھوڑدے۔