آرمی چیف جنرل قمر جاوید باجوہ سے مختلف ممالک کے سفیروں کی ملاقات

افغانستان کی صورتحال اور یورپی یونین سے دوطرفہ تعاون بڑھانے پرتبادلہ خیال، افغانستان میں جاری تنازعے میں پاکستان کا کوئی پسندیدہ نہیں۔ آرمی چیف جنرل قمرجاوید باجوہ کی جرمنی، اٹلی، ہالینڈ اور فرانس کے قائم مقام سفیروں سے گفتگو

ثنااللہ ناگرہ جمعرات 12 اگست 2021 16:44

آرمی چیف جنرل قمر جاوید باجوہ سے مختلف ممالک کے سفیروں کی ملاقات

راولپنڈی (اُردو پوائنٹ اخبارتازہ ترین۔ 12 اگست2021ء) آرمی چیف جنرل قمر جاوید باجوہ سے مختلف ممالک کے سفیروں نے ملاقات کی، جس میں افغانستان کی صورتحال اور یورپی یونین سے دوطرفہ تعاون بڑھانے پرتبادلہ خیال کیا گیا، آرمی چیف نے کہا کہ افغانستان میں جاری تنازعے میں پاکستان کا کوئی پسندیدہ نہیں۔ پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ سے مختلف ممالک کے سفیروں نے ملاقات کی۔

(جاری ہے)

آرمی چیف اور جرمنی، اٹلی، ہالینڈ اور فرانس کے قائم مقام سفیروں کے درمیان ملاقات میں باہمی دلچسپی کے امور، خطے کی سیکیورٹی صورتحال پر تبادلہ خیال کیا گیا۔ افغانستان کی موجودہ صورتحال پر بھی تبادلہ خیال کیا گیا، ملاقاتوں میں یورپی یونین کے ساتھ دوطرفہ تعاون بڑھانے پر بھی بات چیت کی گئی۔ آرمی چیف جنرل قمر جاوید باجوہ نے ملاقاتوں میں گفتگو کرتے ہوئے کہا کہ افغانستان میں امن کا مطلب پاکستان میں امن ہے۔ افغانستان میں جاری تنازعے میں پاکستان کا کوئی پسندیدہ نہیں۔ انہوں نے کہا کہ ہماری خواہش افغانستان میں امن واستحکام کیلئے تعاون کرنا ہے۔ مختلف ممالک کے سفیروں نے ملاقات میں افغان امن عمل کیلئے پاکستان کے کردار کو سراہا۔