شہباز تاثیر اور ماڈل نیہا راجپوت کی مایوں کی ویڈیوز وائرل

جمعہ 24 ستمبر 2021 23:25

لاہور(اُردو پوائنٹ اخبارتازہ ترین - این این آئی۔ 24 ستمبر2021ء) سابق گورنر پنجاب سلمان تاثیر کے بیٹے شہباز تاثیر اور ماڈل نیہا راجپوت کی مایوں کی تقریبات کی ویڈیوز سوشل میڈیا پر وائرل ہوئی ہیں۔نیہا راجپوت کے علاوہ ان کی شادی کی تقریبات میں شامل ہونے والی اداکاراوں و ماڈلز نے بھی ان کی مایوں اور مہندی کی تقریبات کی ویڈیو شیئر کیں۔ویڈیوز اور تصاویر میں شہباز تاثیربھی خوشگوار موڈ میں دکھائی دے رہے ہیں۔

(جاری ہے)

شہباز تاثیر کی یہ دوسری شادی ہے، اس سے قبل انہوں نے فیشن ڈیزائنر ماہین غنی سے 2010 میں شادی کی تھی اور ان کا ایک بچہ بھی ہے ۔شہباز تاثیر سابق گورنر پنجاب سلمان تاثیر کے بیٹے ہیں، جنہیں جنوری 2011 میں قتل کیا گیا تھا، والد کے قتل کے 7 ماہ بعد انہیں اگست 2011 میں لاہور کے علاقے گلبرگ سے اغوا ء کیا گیا تھا۔شہباز تاثیر تقریبا 5 سال تک افغانستان میں رہے تھے جس کے بعد مارچ 2016 میں انہیں بازیاب کروایا گیا تھا۔