Live Updates

پی سی بی ہال آف فیم میں نئے ممبران کا اضافہ

کرکٹ بورڈ نے فضل محمود اور عبدالقادر کو بھی ہال آف فیم میں شامل کرلیا

ذیشان مہتاب ہفتہ 16 اکتوبر 2021 14:38

پی سی بی ہال آف فیم میں نئے ممبران کا اضافہ

لاہور (اردو پوائنٹ تازہ ترین اخبار ۔ 16 اکتوبر 2021ء ) پاکستان کرکٹ بورڈ (پی سی بی) نے ہال آف فیم کے نئے ممبران کے ناموں کا اعلان کر دیا ہے۔ پی سی بی نے گزشتہ سال آئی سی سی طرز کا ہال آف فیم متعارف کروایا تھا، پی سی بی نے گزشتہ سال ہال آف فیم میں 6 سابق کھلاڑیوں کو شامل کیا تھا۔ اب پاکستان کرکٹ بورڈ نے ہال آف فیم میں 2 نئے ممبران کو شامل کیا ہے۔

(جاری ہے)

قومی ٹیم کے سابق کپتان فضل محمود کو بھی پی سی بی ہال آف فیم میں شامل کیا گیا ہے، 1954ء کے اوول ٹیسٹ کے ہیرو کہلائے جانے والے فضل محمود نے 1952ء سے 1962ء تک پاکستان کی نمائندگی کی اور انہوں نے ٹیسٹ کرکٹ میں 34 میچز کھیل کر 24.70 کی اوسط سے 139 وکٹیں حاصل کیں۔

Here is the first of the two latest inductions into the #PCBHallofFame pic.twitter.com/gRqkOGtj30
— Pakistan Cricket (@TheRealPCB) October 16, 2021

پی سی بی ہال آف فیم کے لیے دوسرا نام لیجنڈری سپنر عبدالقادر کا ہے جنہوں نے 1977ء سے 1990ء تک 67 ٹیسٹ میچز میں 32.80 کی اوسط سے 236 اور 1983ء سے 1993ء کے دوران 104 ون ڈے میچز میں 26.16 کی اوسط سے 132 وکٹیں حاصل کیں۔

Here is our second induction into the #PCBHallofFame pic.twitter.com/SfJyQwUKPb
— Pakistan Cricket (@TheRealPCB) October 16, 2021

اس سے قبل حنیف محمد ، عمران خان ، جاوید میاندار اور ظہیر عباس کو پی سی بی ہال آف فیم کا حصہ بنایا گیا تھا جب کہ وسیم اکرم اور وقار یونس بھی پی سی بی ہال آف فیم کا حصہ ہیں۔