معاشی اصلاحات کے باعث ملک میں معاشی ترقی ہورہی ہے،عمران خان

حکومت دیرپا معاشی استحکام کیلئے کوشاں ہے، کورونا کے باوجود اقتصادی اصلاحات کامیاب رہیں،مینوفیکچرنگ سیکٹر میں بڑے پیمانے پر ترقی بہت ضروری ہے۔ وزیراعظم عمران خان کی صعنتکارعقیل کریم ڈھیڈی سے گفتگو

ثنااللہ ناگرہ پیر 1 نومبر 2021 16:41

معاشی اصلاحات کے باعث ملک میں معاشی ترقی ہورہی ہے،عمران خان

اسلام آباد (اُردوپوائنٹ اخبار تازہ ترین۔ یکم نومبر2021ء) وزیراعظم عمران خان نے کہا ہے کہ معاشی اصلاحات کے باعث ملک میں معاشی ترقی ہورہی ہے، حکومت دیرپا معاشی استحکام کیلئے کوشاں ہے، کورونا کے باوجود اقتصادی اصلاحات کامیاب رہیں،مینوفیکچرنگ سیکٹر میں بڑے پیمانے پر ترقی بہت ضروری ہے۔ نجی ٹی وی ہم نیوز کے مطابق وزیراعظم آفس کا کہنا ہے کہ وزیراعظم عمران خان سے صعنتکارعقیل کریم ڈھیڈی نے ملاقات کی۔

ملاقات میں ملکی معاشی صورتحال پر گفتگو کی گئی۔ مشیرخزانہ شوکت ترین بھی ملاقات میں شریک تھے۔وزیراعظم عمران خان نے کہا کہ ملک میں دیرپا معاشی استحکام کے لیے کوشاں ہیں، کورونا کے باوجود ملک میں اقتصادی اصلاحات اصلاحات کامیاب رہیں، معاشی اصلاحات کے نتیجے میں ملک بھی معاشی بہتری آرہی ہے۔

(جاری ہے)

وزیراعظم عمران خان نے بڑے پیمانے پر مینوفیکچرنگ سیکٹر میں ترقی کی اہمیت پر زور دیا۔

اس موقع پر عقیل کریم ڈھیڈی نے ملک میں معاشی بحالی کے لیے حکومتی اقدامات کو سراہا۔ عقیل کریم ڈھیڈی نے کہا کہ ملک میں صنعتی ترقی اور اقتصادی ترقی سے مثبت اثرات مرتب ہوں گے۔دوسری جانب دوسری جانب مشیر خزانہ شوکت ترین نے تقریب سے خطاب کرتے ہوئے کہا کہ عالمی مالیاتی فنڈ کے ساتھ معاملات طے پا گئے ہیں،معاہدہ اسی ہفتے ہو جائے گا،ہمارا کام عوام کو سہولیات فراہم کرنا ہے، سرکاری ملازمین کی تنخواہوں میں تاخیر نہیں ہو گی، مہنگائی پر قابو پانے کیلئے ٹارگٹڈ سبسڈی دے رہے ہیں،مہنگائی ایک عالمی مسئلہ ہے اور عالمی قیمتیں میرے کنٹرول میں نہیں ،اسٹیٹ بینک سے متعلق قانون کیلئے آئینی ترامیم کی ضرورت ہے اور آئینی ترمیم کیلئے ہمارے پاس دو تہائی اکثریت نہیں۔

شوکت ترین نے کہاکہ وسیع تر اصلاحات پر مشتمل یہ نظام تجارتی سرگرمیاں بڑھائے گا،تجارتی سرگرمیوں کا جی ڈی پی اور گروتھ سے براہ راست تعلق ہوتا ہے،پاکستان سنگل ونڈو گورننس اور تجارتی سرگرمیوں کا آسان ترین نظام ہے۔ انہوں نے کہا کہ حکومت ہر شعبے میں بہتری کیلئے اصلاحات جاری رکھے ہوئے ہے،گذشتہ 2 سالوں میں عالمی تجارت بری طرح متاثر ہوئی،پیداواری لاگت اور شپنگ کے اخراجات بہت زیادہ بڑھے،پاکستانی تاجروں کیلئے تجارتی مواقع بھی پیدا ہوئے۔