×اسلام آباد،فرٹیلائزر کی آسانی سے دستیابی، ذخیرہ اندوزوں اور ناجائز منافع خوروں کیخلاف سخت ایکشن لینے کی ہدایات جاری

بدھ 24 نومبر 2021 22:25

ا*اسلام آباد(اُردو پوائنٹ اخبارتازہ ترین - آن لائن۔ 24 نومبر2021ء) فرٹیلائزر کی آسانی سے دستیابی ذخیرہ اندوزوں اور ناجائز منافع خوروں کیخلاف سخت ایکشن لینے کی ہدایات جاری کردی گئیں جبکہ ملک میں مٹی کے تیل کے وافر ذخائر یقینی بنانے کی بھی ہدایت جاری۔

(جاری ہے)

مشیر خزانہ شوکت ترین کی زیر صدارت نیشنل پرائس مانیٹرنگ کمیٹی کا اجلاس کمیٹی کو بتایا گیا کہ ملک میں مہنگائی میں اضافہ ہوا ہے ہفتہ وار مہنگائی میں ہفتہ وار بنیادوں پر مہنگائی میں 1.07 فیصد کا اضافہ ہوا ہے سیکرٹری خزانہ کی جانب سے دی جانیوالی بریفننگ میں بتایا گیا ہے کہ ہفتہ وار بنیادوں پر مہنگائی میں 1.07 فیصد کا اضافہ ہوا ہے جبکہ دس اشیائ کی قیمتوں میں کمی اور 14 اشیائ کی قیمتوں میں استحکام رہا پیاز، آلو، خوردنی تیل سمیت مختلف اشیائے کی قیمتوں میں کمی کا رجحان دیکھا گیا ہیاجلاس میں گندم، چینی، دالوں اور چکن سمیت دیگر اشیائے خوردنی کی قیمتوں کا جائزہ لیا گیا سیکرٹری خزانہ نے کمیٹی کو بتایا کہ پنجاب، کے پی اور وفاقی دارالحکومت میں بدستور 20 کلو آٹے کا تھیلا 1100 روپے پر مل رہا ہیصوبائی حکومتوں کی جانب سے گندم کی مسلسل فراہمی سے مزید بہتری آئے گی سیکرٹری خزانہ نے ملک میں چینی کی قیمتوں سے متعلق بھی اجلاس کو بریفنگ دیتے ہوئے بتایا کہ پنجاب اور کے پی میں چینی کی قیمت میں مسلسل کمی کا جحان ہے ملک میں چینی کے نئے ذخائر دستیاب ہونے سے چینی کی قیمتیں مزید کم ہوں گی مشیر خزانہ نے چینی کی قیمتوں میں استحکام پر اطمینان کا اظہار کیا کمیٹی نے گھی اور خوردنی تیل کی بڑھتی قیمتوں پر تشویش کرتے ہوئے حکام کو قیمتیں کنٹرول کرنے کی ہدایت کی بریفننگ میں کمیٹی کو بتایا گیا کہ عالمی منڈی میں جنوری سے سویا بین اور پام آئل کی قیمتوں میں کمی شروع ہوجائے گی مشیر خزانہ نے پام اور سویا بین آئل کی قیمتوں میں کمی کا فائدہ عوام کو پہنچنے کی ہدایت کرتے ہوئے فرٹیلائزر کی آسان دستیابی کیلئے اقدامات کی ہدایت کردی کمیٹی کو بتایا گیا کہ پنجاب اور سندھ میں کھاد کی ذخیرہ اندوزوں کے خلاف ایکشن سے بہتری آئی ہے مشیر خزانہ کی ذخیرہ اندوزوں اور ناجائز منافع خوروں کیخلاف سخت ایکشن لینے کی ہدایت کردی جبکہ ملک میں مٹی کے تیل کے وافر ذخائر یقینی بنانے کی بھی ہدایت کردیں