Live Updates

الیکشن کرانا الیکشن کمیشن کا کام ہے فنڈز نہیں روکے جا سکتے‘ پیپلزپارٹی

پیپلز پارٹی ووٹ خریدنے نہیں عوام کی طاقت پر یقین رکھتی ہے‘ راجہ پرویز اشرف کی پریس کانفرنس مسلم لیگ (ن) سے تعلق رکھنے والی شخصیات کی ساتھیوں سمیت پیپلزپارٹی میں شمولیت کا اعلان

بدھ 1 دسمبر 2021 22:45

لاہور(اُردو پوائنٹ اخبارتازہ ترین - این این آئی۔ 01 دسمبر2021ء) مہنگائی نے 21ماہ کے ریکارڈ توڑ دیئے ہیں،عوام اس صورتحال میں پی ٹی آئی اور (ن) لیگ کو کیوں نہ چھوڑ کر پیپلز پارٹی کو ووٹ دیں ،حکومت وقت مکمل طور پر ناکام ہے،این اے 133کی صورتحال لاہور شہر سے بہت بد تر ہے۔ان خیالات کا اظہار پیپلز پارٹی وسطی پنجاب کے صدر راجہ پرویز اشرف نے حسن مرتضی،شہزاد سعید چیمہ ،رانا فاروق سعید،اورثمینہ گھرکی کے ہمراہ ماڈل ٹائون میں مسلم لیگ سے تعلق رکھنے والی شخصیات کی ساتھیوں سمیت پیپلز پارٹی میں شمولیت کے موقع پر پریس کانفرنس سے خطاب کرتے ہوئے کیا۔

۔راجہ پرویز اشرف نے کہا کہ اتنا برا حال کسی اور شہر کا نہیں دیکھا ،35برس (ن) لیگ نے بھی حکومت کی،صاف سڑکیں انہوں نے اپنے لیے بنائیں ،پیپلز پارٹی جب گھر گھر اور کونے کونے سے نکلے گی تو پتہ چلے گا۔

(جاری ہے)

حکومت کمزور اور نادار طبقے کے ساتھ نہیں کھڑی آ ج(ن )لیگ اور پی ٹی آئی ناکام ہو چکی ہیں۔میڈیا سوالات کے جواب میں انہوں نے کہا کہ لوٹا اپوزیشن چھوڑ کر حکومت میں جاتا ہے،اب شامل ہونے والے حر ہیں۔

الیکشن کرانا الیکشن کمشن کا کام ہے فنڈز نہیں روکے جا سکتے،حکومت ای وی ایم پر بات کرنے کی بجائے ادھر ادھر کی ہانک رہی ہے۔آج مہنگائی سے تنگ لوگ بچے فروخت کر رہے ہیں۔پاکستان میں بڑی الارمنگ صورتحال ہے،الیکشن کمشن پارلیمنٹ کے قانون سے ماورا نہیں جا سکتا مگر اپوزیشن کے تحفظات کو بھی دور کرنا پڑے گا،بد قسمتی سے وفاقی وزرا ء الیکشن کمشن پر حملے کر رہے ہیں،ضد اور انا ء سے حکومتیں نہیں چلتیں،جعلی ووٹ تو پیپلز پارٹی نے ختم کرائے تھے ادرا س کے پاس تمام ڈیٹا ہے،اپوزیشن جماعتوں کا ای وی ایم پر اعتبار نہیں۔

حسن مرتضی نے کہا کہ وڈیو سکینڈل کی صاف شفاف انکوائری چاہتے ہیں،پیپلز پارٹی ووٹ خریدنے پر نہیں عوام کی طاقت پر یقین رکھتی ،اسامہ بن لادن سے پیسے لیکر آئی جے آئی کس نے بنائی تھی ،چھانگا مانگا اور اصغر خان کیس سب کے سامنے ہے،مکروہ اور گھنائونا جیسے الفاظ استعمال کرنے والوںکو اسی زبان میں جواب دے سکتے ہیں۔پیپلز پارٹی الیکشن لڑ کر جرم نہیں کر رہی،85میں سیاست میں آنے والوںکو بے نقاب کرینگے،رویے نہ بدلے تو ہر روزائینہ دکھائیں گے۔