بابراعظم اور شاہین آفریدی پی ایس ایل 7 میں آمنے سامنے کیلئے پرجوش

پی ایس ایل6 میں شاہین نے بابر کو 46 گیندیں کیں اور ایک بار آؤٹ کیا جبکہ بابر نے شاہین کیخلاف 12 چوکوں کی مدد سے 73 رنز بنائے، بابر نے ابھی تک شاہین کو چھکا نہیں لگایا

Zeeshan Mehtab ذیشان مہتاب منگل 18 جنوری 2022 16:08

بابراعظم اور شاہین آفریدی پی ایس ایل 7 میں آمنے سامنے کیلئے پرجوش
لاہور (اردو پوائنٹ تازہ ترین اخبار ۔ 18 جنوری 2022ء ) پاکستان سپر لیگ (پی ایس ایل) کے 7ویں ایڈیشن کے دوران کراچی کنگز اور لاہور قلندرز کے درمیان میچ سے قبل شاہین شاہ آفریدی کے بارے میں اپنے خیالات کا اظہار کرتے ہوئے کراچی کنگز کے کپتان بابراعظم نے کہا کہ شاہین کا سامنا کرنا ہمیشہ سنسنی خیز ہوتا ہے، اس کی بائولنگ بہت چیلنجنگ ہے۔ پی ایس ایل کا 7واں ایڈیشن 27 جنوری سے 27 فروری تک کھیلا جائے گا، شائقین کو دلچسپ مقابلے دیکھنےکو ملیں گے اور ملک کے بہترین بلے باز بابراعظم اور تیز گیند باز شاہین آفریدی کے درمیان دلچسپ ٹاکرا بھی ہوگا۔

دونوں کرکٹرز قومی ٹیم کے سیٹ اپ کا اہم ترین حصہ رہے ہیں اور انہوں نے 2021ء میں قومی ٹیم کی بہترین کارکردگی میں اہم کردار ادا کیا جس میں پاکستان نے 20 ٹی ٹونٹی جیتے جو کسی بھی ٹیم کی طرف سے ایک کیلنڈر سال میں سب سے زیادہ ہے۔

(جاری ہے)

بابراعظم نے گزشتہ سال اپنے 5692 ٹی ٹونٹی رنز میں مزید 1779 رنز کا اضافہ کیا اور اوپننگ پارٹنر محمد رضوان کے بعد سب سے زیادہ رنز بنانے والے بلے باز رہے۔

دائیں ہاتھ کے کھلاڑی نے 48 سے زیادہ کی اوسط اور 131.38 کے سٹرائیک ریٹ کے ساتھ 2 سنچریاں اور 18 نصف سنچریاں بنائیں۔ شاہین آفریدی 2021ء میں 50 سے زیادہ ٹی ٹونٹی وکٹیں لینے والے 4 تیز گیند بازوں میں سے ایک تھے۔ بائیں بازو کے پیسر نے 16.4 کے سٹرائیک ریٹ سے 51 شکار کیے ،انہوں نے یہ وکٹیں 21.50 کی اوسط اور 7.82 کے اکانومی ریٹ سے حاصل کیں ۔ بابر اور شاہین پی ایس ایل میں 7 بار آمنے سامنے ہو چکے ہیں ۔

گزشتہ پی ایس ایل میں شاہین نے بابر کو 46 گیندیں کیں جس میں انہوں نے ایک بار انہیں آؤٹ کیا جب کہ بابر نے شاہین کے خلاف 12 چوکوں کی مدد سے 73 رنز بنائے۔ بابر نے ابھی تک شاہین کو کوئی چھکا نہیں لگایا ہے۔ دونوں کا پی ایس ایل میں پہلے چھ اوورز میں غیر معمولی ریکارڈ ہے۔ شاہین کی 6.66 کی اکانومی کم از کم 10 وکٹوں کے ساتھ تیز گیند بازوں میں سب سے بہتر ہے اور بابر کی اوسط 77.42 ہے جو اس مرحلے میں 500 رنز کے ساتھ کسی بلے باز کے لیے سب سے زیادہ ہے، وہ 34 اننگز میں صرف 7 بار آؤٹ ہوئے ہیں۔

21 سالہ تیز گیند باز کو حال ہی میں لاہور قلندرز کا کپتان مقرر کیے جانے کے بعد بابر اور شاہین اپنی ٹیموں کی قیادت کریں گے۔ دونوں ٹیمیں 30 جنوری کو کراچی کے نیشنل سٹیڈیم اور 18 فروری کو قذافی سٹیڈیم میں آمنے سامنے ہوں گی، لاہور قلندرز کو کراچی کنگز کیخلاف اپنا ریکارڈ بہتر کرنے کی امید کرے گا کیونکہ قلندرز نے 13 میں سے 5 کامیابیاں حاصل کی ہیں ۔

بابراعظم نے شاہین آفریدی کے بارے میں گفتگو کرتے ہوئے کہا کہ ان کا سامنا کرنا ہمیشہ سنسنی خیز ہوتا ہے کیونکہ وہ گیند سے بہت سارے سوالات پوچھتا ہے۔ اس کی تیز رفتار، گیند کو ان سوئنگ کرنے کی صلاحیت اور ویری ایشنز بلے باز کو جانچتی رہتی ہیں۔ لاہور قلندرز کے کپتان شاہین آفریدی نے کہا کہ بابراعظم ایک مشکل بلے باز ہے اور اس کی بہترین تکنیک کے باعث آپ جہاں بھی بائولنگ کریں وہ آپ کو مشکل میں ڈال دیتا ہے ، بابر چہرے پر ہلکی سی مسکراہٹ سجا کر آپ کی گیندیں باؤنڈری تک پہنچا دے گا اور آپ کے تمام منصوبوں کو خاک میں ملا دے گا۔

انہوں نے مزید کہا کہ بابر کے ساتھ ٹاکرا کراچی اور لاہور دونوں کرائوڈز کے سامنے دلچسپ ہوگا۔ میں یقینی طور پر اس سے لطف اندوز ہوں گا اور مجھے امید ہے کہ شائقین بھی اسے دیکھ کر لطف اندوز ہوں گے۔