مسئلہ کشمیر اہم موڑ میں داخل ہو رہا ہے ،آزادی کے بیس کیمپ سے ہمیں اپنا اہم کردار ادا کرنا چاہیے ،بیرسٹر سلطان محمود چوہدری

ہمیں مسئلہ کشمیر پر تمام سیاسی جماعتوں کے ساتھ اتفاق رائے سے آگے بڑھنا ہوگا اور ہم سب کو مل کر مقبوضہ کشمیر کے عوام کے ساتھ یکجہتی کا اظہار کرنا ہو گا،صدر آزاد کشمیر

بدھ 19 جنوری 2022 17:47

اسلام آباد(اُردو پوائنٹ اخبارتازہ ترین - این این آئی۔ 19 جنوری2022ء) صدر آزاد جموں و کشمیر بیرسٹر سلطان محمود چوہدری نے کہا ہے کہ مسئلہ کشمیر اہم موڑ میں داخل ہو رہا ہے اور اس سلسلے میں آزادی کے بیس کیمپ سے ہمیں اپنا اہم کردار ادا کرنا چاہیے اور ہمیں مسئلہ کشمیر پر تمام سیاسی جماعتوں کے ساتھ اتفاق رائے سے آگے بڑھنا ہوگا اور ہم سب کو مل کر مقبوضہ کشمیر کے عوام کے ساتھ یکجہتی کا اظہار کرنا ہو گا۔

(جاری ہے)

ان خیالات کا اظہار انہوں نے یہاں ایوان صدر کشمیر ہاؤس میں پاکستان پیپلز پارٹی آزاد کشمیر کے صدر چوہدری یاسین سے تفصیلی ملاقات میں کیا۔ اس موقع پر صدر ریاست آزاد جموں و کشمیر بیرسٹر سلطان محمود چوہدری اور پاکستان پیپلز پارٹی آزاد کشمیر کے صدر چوہدری یاسین نے اس بات پر بھی اتفاق کیا کہ ہماری پہلی اور آخری ترجیح مسئلہ کشمیر ہونا چاہیے اور ہمیں ہر فورم پر مسئلہ کشمیر کو اجاگر کرنے کے لیے مل کر اپنا کردار ادا کرنا ہو گا۔ اس موقع پر ملاقات میں صدر ریاست آزاد جموں و کشمیر بیرسٹر سلطان محمود چوہدری اور پاکستان پیپلز پارٹی آزاد کشمیر کے صدر چوہدری یاسین کے درمیان باہمی دلچسپی سمیت دیگر امور پر بھی تبادلہ خیال کیا گیا۔