ؔ"بلدیاتی انتخابات جیتنا عمران خان کے مستقبل کا سوال ہے"

پی ٹی آئی میں گروپنگ کو نہیں مانتا ، وزیر دفاع پرویز خٹک کا پارٹی سے اختلاف کرنے والے اراکین کو دوسری پارٹی میں جانے کا مشورہ

دانش احمد انصاری جمعہ 28 جنوری 2022 06:28

ؔ"بلدیاتی انتخابات جیتنا عمران خان کے مستقبل کا سوال ہے"

بنوں(اُردو پوائنٹ اخبارتازہ ترین ۔ 27 جنوری2022ء) بلدیاتی انتخابات جیتنا عمران خان کے مستقبل کا سوال ہے پی ٹی آئی میں گروپنگ کو نہیں مانتا ، وزیر دفاع پرویز خٹک کا پارٹی سے اختلاف کرنے والے اراکین کو دوسری پارٹی میں جانے کا مشورہ- تفصیلات کے مطابق وزیر دفاع پرویز خٹک نے کہا ہے کہ بلدیاتی انتخابات جیتنا پاکستان تحریک انصاف اور عمران خان کے مستقبل کا سوال ہے۔

بنوں میں ورکرز کنونشن سے خطاب کرتے ہوئے انہوں نے کہا کہ پی ٹی آئی میں گروپنگ کو نہیں مانتا ، اختلاف پیدا کرنے والے دوسرے پارٹی میں جائیں۔

(جاری ہے)

پرویز خٹک نے کہا کہ پی ٹی آئی کی تنظیم سازی ورکر کی مشاورت سے مکمل کریں گے، پارٹی میں ورکر کو نظر انداز کیا گیا اب ان کو آگے لانے کا وقت ہے۔ انہوں نے کہا کہ این ایف سی ایوارڈ میں خیبر پختونخوا کو حق نہیں دیا جارہا ، مرکز اور دیگر صوبے سے اپنے حقوق لے کر رہیں گے۔

پرویز خٹک نے کہا کہ ماضی کے حکمرانوں نے ملک کو تباہ و برباد کیا ہوا ملک قرضوں میں ڈوبا ہوا ہے، پہلے ملکی ذخائر میں 15 ارب ڈالر تھے آج 30 ارب ڈالر ہے۔انہوںنے کہاکہ مہنگائی سے متعلق ہمارے پیچھے پروپیگنڈ ا کیا جارہا ہے ، ورکر عوام کے ساتھ مہنگائی پر بحث کرے میدان خالی نہ چھوڑیں۔