Live Updates

سینئر لیگی قیادت کا پارٹی قائد نوازشریف کو جلد وطن واپس آکر پارٹی کمان سنبھالنے کا مشورہ

نوازشریف اور مسلم لیگ ن کی سینئر قیادت کے درمیان رابطہ ،مسلم لیگ ن کے وفاقی وزراء کی کارگردگی کا بھی جائزہ لیا گیا

مقدس فاروق اعوان ہفتہ 30 جولائی 2022 16:43

سینئر لیگی قیادت کا پارٹی قائد نوازشریف کو جلد وطن واپس آکر پارٹی کمان ..

لاہور(اُردو پوائنٹ اخبارتازہ ترین۔ 30 جولائی2022ء) سینئر لیگی قیادت نے پارٹی قائد نوازشریف کو جلد وطن واپس آکر پارٹی کمان سنبھالنے کا مشورہ دیا ہے۔ اے آر وائی نیوز کی رپورٹ کے مطابق نوازشریف اور مسلم لیگ ن کی سینئر قیادت کے درمیان رابطہ ہوا ہے۔ذرائع کے مطابق رابطے میں پنجاب میں حکومت ختم ہونے کے بعد مستقبل کی حکومت عملی پر غور کیا گیا۔مسلم لیگ ن کی گرتی ہوئی ساکھ کو بچانے کے لیے تبادلہ خیال کیا گیا۔

سینئر قیادت نے نوازشریف کو جلد وطن واپس آکر پارٹی کمان سنبھالنے کا مشورہ دیا۔رابطے کے دوران مسلم لیگ ن کے وفاقی وزراء کی کارگردگی کا بھی جائزہ لیا گیا،بدترین معاشی حالات اور مہنگائی کی وجہ سے ن لیگ کا ووٹ متاثر ہوا۔نوازشریف نے سینئر قیادت کو عہدیداران اور کارکنوں سے رابطے کی ہدایت کی ہے۔

(جاری ہے)

گذشتہ ہفتے پی ڈی ایم کے سربراہ مولانا فضل الرحمان نے پاکستان مسلم لیگ ن کے قائد نواز شریف سے ٹیلی فونک رابطہ کیا ، اس دوران دونوں رہنماؤں کے درمیان قومی اسمبلی تحلیل نہ کرنے پر اتفاق پایا گیا۔

سماء نیوز کے مطابق قائد مسلم لیگ ن نواز شریف سے پی ڈی ایم کے سربراہ مولانا فضل الرحمان نے لندن میں ٹیلیفونک رابطہ کیا ، سپریم کورٹ کی جانب سے فل کورٹ بنانے کی درخواستیں مسترد کرنے پر تفصیلی مشاورت کی، اس موقع پر دونوں رہنماؤں کے درمیان ڈپٹی اسپیکر رولنگ کیس کی سماعت کے بائیکاٹ پر بھی مشاورت کی گئی۔ ذرائع سے معلوم ہوا ہے کہ مولانا فضل الرحمان نے نواز شریف کو پی ڈی ایم اور اتحادی جماعتوں کے اجلاس کی کارروائی سے آگاہ کیا، دونوں رہنماؤں کی عدالتی کارروائی کے بائیکاٹ کیلئے تحریری بیان جاری کرنے پر بھی مشاورت ہوئی جب کہ فضل الرحمان اور نواز شریف نے قومی اسمبلی تحلیل نہ کرنے پر اتفاق کیا۔۔