شاہد خاقان عباسی کا شہبازگل کیخلاف2 ارب روپے ہتک عزت کا دعوی ٰدائر

لاہور(اردوپوائنٹ اخبارتازہ ترین۔ 03 دسمبر 2022ء) پاکستان مسلم لیگ ن کے مرکزی رہنماء شاہد خاقان عباسی نے پی ٹی آئی رہنماء شہباز گل کیخلاف ہتک عزت کا دعوی ٰدائر کردیا ہے، شہباز گل نے جولائی 2022 میں بھارت سے پیسے لینے کے الزامات عائد کیے تھے۔ ہم نیوز کے مطابق مسلم لیگ ن کے مرکزی رہنماء شاہد خاقان عباسی نے سیشن کورٹ لاہور میں پی ٹی آئی رہنماء شہباز گل کیخلاف ہتک عزت کا دعوی ٰدائر کردیا ہے۔

شاہد خاقان عباسی نے شہباز گل کیخلاف دو ارب روپے ہرجانے کا دعوی دائر کیا ہے۔ شہبازگل نے جولائی 2022 میں شاہد خاقان عباسی پر بھارت سے پیسے لینے کے الزامات عائد کیے تھے۔ دوسری جانب پاکستان تحریک انصاف کے رہنما شہباز گل کے خلاف بلوچستان میں بھی مقدمہ درج کر لیا گیا۔ایکسپریس نیوز کی رپورٹ کے مطابق پی ٹی آئی رہنما شہباز گل کے خلاف گذشتہ روز قلعہ عبداللہ تھانے میں درخواست دی گئی تھی جس پر کارروائی کرتے ہوئے مقدمہ درج کر لیا گیا۔

(جاری ہے)

شہباز گل پر اداروں کے خلاف نازیبا زبان استعمال کرنے کے الزام پر ایف آئی ار درج کی گئی۔ شہباز گل اداروں میں بغاوت پر اکسانے کے کیس میں ضمانت پر ہیں۔ اعظم سواتی کے خلاف بھی سندھ اور بلوچستان میں مقدمات درج ہیں۔ بلوچستان پولیس نے پاکستان تحریک انصاف کے مرکزی رہنماء و سینیٹر اعظم سواتی کو اسلام آباد سے گرفتار کرکے کوئٹہ منتقل کیا۔

جن کے خلاف پاک فوج کیخلاف تقریر کرنے پر بلوچستان میں مختلف علاقوں میں مقدمات درج کئے گئے تھے، پولیس ذرائع کے مطابق بلوچستان پولیس پاکستان تحریک انصاف کے رہنما اعظم سواتی کو گرفتار کرکے کوئٹہ لے آئی ہے۔ ذرائع کا بتانا ہے کہ اعظم سواتی کو بلوچستان کی کسی جیل میں رکھا جائے گا۔خیال رہے کہ اعظم سواتی کو اداروں اور ان کے سربراہان کے خلاف متنازعہ ٹوئٹس کے معاملے پر گرفتار ہونے والے سینیٹر اعظم سواتی کو جوڈیشل مجسٹریٹ اسلام آباد نے 14 روزہ جوڈیشل ریمانڈ پر اڈیالہ جیل بھجوانے کا حکم دیا تھا۔

متنازعہ ٹوئٹس کے معاملے پر سینیٹر اعظم سواتی کے خلاف کوئٹہ سمیت ملک کے مختلف شہروں میں مقدمات درج کیے گئے تھے اور انہیں 27 نومبر کو ایف آئی اے نے حراست میں لیا تھا۔جبکہ بلوچستان کے علاقوں کچلاک ، پسنی ،لسبیلہ،گوادر، خضدار، ژوب میں ان کیخلاف مقدمات درج کئے گئے تھے۔چئیرمین پی ٹی آئی عمران خان نے اعظم سواتی کی گرفتاری کی مذمت کی تھی۔