آئین میں تمام آئینی عہدوں کی ذمہ داریوں کا تعین کر دیا گیا ہے ، سب کو پاسداری کرنی چاہیے‘ قمر زمان کائرہ

یہاں لیڈرضمانتیں لے رہے ہیں اور کارکنوں کو زبردستی جیلوں میں دھکیل رہے ہیں‘ مشیر برائے امور وکشمیر و گلگت بلتستان

بدھ 22 فروری 2023 22:57

آئین میں تمام آئینی عہدوں کی ذمہ داریوں کا تعین کر دیا گیا ہے ، سب ..

لاہور(اُردو پوائنٹ اخبارتازہ ترین - آن لائن۔ 22 فروری2023ء) وزیر اعظم کے مشیر برائے امور کشمیر و گلگت بلتستان قمر زمان کائرہ نے کہا ہے کہ آئین میں تمام آئینی عہدوں کی ذمہ داریوں کا تعین کر دیا گیا ہے ، سب کو آئین کی پاسداری کرنی چاہیے۔ان خیالات کا اظہار انہوںنے پیپلز پارٹی کے سینئر وائس چیئرمین،وفاقی وزیر بابائے سوشلزم مرحوم شیخ محمد رشید کی بیسویں برسی کی مناسبت سے منعقد ہ تقریب سے خطاب کرتے ہوئے کیا ۔

انہوں نے کہا کہ یہاں لیڈرضمانتیں لے رہے ہیں اور کارکنوں کو زبردستی جیلوں میں دھکیل رہے ہیں ، سیاست میں اس طرح کا دوہرا معیار نہیں چل سکتا ،بابائے سوشلزم شیخ محمد رشید کی قربانیوں کا تذکرہ کرنے کیلئے الفاظ نہیں ہیں،ذوالفقار علی بھٹو ان کابے حد احترام کرتے تھے۔

(جاری ہے)

اس موقع پر سید حسن مرتضی ،رانا فاروق سعید،اسلم گل،چودھری منظور احمد،فیصل میر،خالد بٹ،قیوم نظامی ،میاں منیر،شاہدہ جبیں،عزیز الرحمن چن،مشتاق لاشاری،ڈاکٹر مظہر عباس،سعید ہاشمی،چیئرمین برابری پارٹی جود احمد،دانشور فرخ سہیل گوئندی، علامہ اقبال اوپن یونیورسٹی کے ڈائریکٹر رسول بخش بہرام،پیر ناظم حسین شاہ،سینئر صحافی افضل ایوبی،سابق صدر لاہور ٹیکس بار قاری حبیب الرحمن زبیری ،رضا اشفاق سمیت سیاسی وسماجی شخصیات کے علاوہ شہریوں کی کثیر تعداد موجود تھی۔

شرکائ کی جانب سے مرحوم بابائے سوشلزم شیخ محمد رشید اور کے ساتھیوں کی پیپلزپارٹی اور عوام کے لئے خدمات پر بھرپور خراج عقیدت پیش کیا گیا۔ اس موقع پر اجتماعی فاتحہ خوانی بھی کی گئی۔