Live Updates

وزیراعظم کی طرف سے رمضان المبارک میں عوام کو مفت آٹے کی فراہمی تاریخی اقدام ہے، مریم اور نگزیب

جمعہ 24 مارچ 2023 19:30

اسلام آباد(اُردو پوائنٹ اخبارتازہ ترین - این این آئی۔ 24 مارچ2023ء) وفاقی وزیر اطلاعات ونشریات مریم اور نگزیب نے کہا ہے کہ ایک شخص ملک میں ا نتشار اور افراتفری چاہتا ہے،عمران خان نے آئی ایم ایف سے سخت شرائط پر معاہدہ کر کے ملک و قوم کو نقصان پہنچایا،وزیراعظم کی طرف سے رمضان المبارک میں عوام کو مفت آٹے کی فراہمی تاریخی اقدام ہے،وزیراعظم کی ہدایت پر مستحقین کو مفت آٹا فراہم کیا جا رہا ہے،42 لاکھ افراد کو مفت آٹے کے تھیلے تقسیم کیے جا چکے ہیں ،بلوچستان اور سندھ میں بھی مفت آٹے کی تقسیم جلد شروع ہو گی،عوام کو سستے پٹرول کی فراہمی بھی جلد شروع کی جائے گی۔

میڈیا سے گفتگو کرتے ہوئے مریم اور نگزیب نے کہاکہ معاشی مسائل کے باوجود عوام کی خدمت کیلئے کوشاں ہیں۔

(جاری ہے)

وفاقی وزیر نے کہاکہ وزیراعظم عوام کو سہولیات کی فراہمی کیلئے دن رات کام کررہے ہیں۔ وفاقی وزیر نے کہاکہ بی آئی ایس پی ڈیٹا کو استعمال کرتے ہوئے آٹے کی مفت فراہمی یقینی بنائی جارہی ہے۔ مریم اورنگزیب نے کہاکہ مفت آٹے کی تقسیم میں شفافیت کو یقینی بنایاجارہاہے،اب تک 42 لاکھ افراد کو مفت آٹے کے تھیلے تقسیم کیے جا چکے ہیں۔

انہوںنے کہاکہ عوام کی فلاح و بہبود وزیراعظم محمد شہباز شریف کی ترجیح ہے۔ انہوںنے کہاکہ مفت آٹے کی تقسیم کا سلسلہ خیبر پختونخوا میں بھی جاری ہے،بلوچستان اور سندھ میں بھی مفت آٹے کی تقسیم جلد شروع ہو گی۔ وفاقی وزیر نے کہاکہ وزیراعظم نے قصور اور لاہور میں مفت آٹے کی تقسیم کے مراکز کا ا چانک دورہ کیا۔ مریم اور نگزیب نے کہاکہ وزیراعظم نے بزرگ شہریوں اور عوام سے مسائل بارے دریافت کیا۔

وفاقی وزیر نے کہاکہ وزیراعظم کی طرف سے رمضان المبارک میں عوام کو مفت آٹے کی فراہمی تاریخی اقدام ہے۔ مریم اور نگزیب نے کہاکہ نواز شریف کے دور میں عوام کو آٹااور چینی سستے داموں دستیاب تھے۔ وزیر اطلاعات ونشریات نے کہاکہ وزیراعظم کی قیادت میں معاشی مشکلات کے باوجود سیلاب جیسی آفت پر قابوپایا گیا۔ انہوںنے کہاکہ عوام کو سستے پٹرول کی فراہمی بھی جلد شروع کی جائے گی۔

انہوںنے کہاکہ پی ٹی آئی کے دور میں عوام پرمہنگائی کے پہاڑتوڑے گئے،ایک شخص ملک میں ا نتشار اور افراتفری چاہتا ہے،۔وزیر اطلاعات نے کہاکہ پی ٹی آئی دور میں قومی خزانے کو بے دردی سے لوٹا گیا۔ وزیر اطلاعات نے کہاکہ عمران خان نے آئی ایم ایف سے سخت شرائط پر معاہدہ کر کے ملک و قوم کو نقصان پہنچایا۔