پاکستان علماء کونسل سوڈان کے تمام فریقوں سے مذاکرات سے مسائل حل کرنے کی اپیل کرتی ہے،مشترکہ اعلامیہ

اسلام آباد (اُردو پوائنٹ اخبارتازہ ترین - این این آئی۔ 26 اپریل2023ء) پاکستان علماء کونسل سوڈان کے تمام فریقوں سے مذاکرات سے مسائل حل کرنے کی اپیل کرتی ہے، اقوام متحدہ ، اسلامی تعاون تنظیم کو سوڈان میں خانہ جنگی کی صورتحال کے خاتمے کیلئے بھرپور اور فعال کردار ادا کر ے، سعودی عرب کا سوڈان سے غیر ملکیوں کے انخلاکیلئے کردار نا قابل فراموش ہے،سعودی عرب کی قیادت اور حکومت کے بروقت اقدامات سے ہزاروں غیرملکی محفوظ طریقہ سے سوڈان سے جدہ پہنچ چکے ہیں ، پاکستان کشمیر کے معاملہ کا حل اقوام متحدہ کی قراردادوں کے مطابق چاہتا ہے ، 2 مئی کو اسلام آباد میں وحدت امت کانفرنس منعقد ہو گی ۔

یہ بات چیئرمین پاکستان علماء کونسل و سیکرٹری جنرل انٹرنیشنل تعظیمنحرمین شریفین کونسل حافظ محمد طاہر محمود اشرفی، علامہ عبد الحق مجاہد، مولانا محمد رفیق جامی ، مولانا اسعد زکریا قاسمی ، مولانا نعمان حاشر، مولانا محمد شفیع قاسمی ، مولانا اسد اللہ فاروق، علامہ زبیر عابد، مولانا طاہر عقیل اعوان، مولانا ابو بکر حمید صابری ، مولانا قاسم قاسمی ، مولانا عبید اللہ گورمانی ، علامہ طاہر الحسن، مولانا محمد اشفاق پتافی، مولانا اسلم صدیقی، مولانا عزیز اکبر قاسمی، مولانا سعد اللہ شفیق، مولانا عبد الستار، قاری عبد الحکیم اطہر، مفتی عمر فاروق، مولانا زبیر کھٹانہ ، حافظ ثاقب منیر، مولانا انوار الحق مجاہداور دیگر نے اپنے ایک مشترکہ بیان میں کہی ، انہوں نے کہا کہ امت مسلمہ ایک جسم کی طرح ہے جسم کے کسی بھی حصہ میں تکلیف ہو تو پوری امت کیلئے تکالیف کا سبب ہے ، اب جب کہ ایران سعودی عرب تعلقات بحال ہو چکے ہیں ، عرب اسلامی ممالک کے درمیان دوریاں ختم ہو رہی ہیں ، شام کے ساتھ بھی عرب اسلامی ممالک کے تعلقات بحالی کی طرف جا رہے ہیں اس موقعہ پر سوڈان میں خانہ جنگی کی کیفیت پوری امت مسلمہ کیلئے تشویش کا سبب ہے۔

(جاری ہے)

سوڈان کے تمام طبقات سے تمام مذاہب و مسالک کی قیادت اپیل کرتی ہے کہ وہ معاملات کو افہام و تفہیم اور مذاکرات سے حل کریں اور اس سلسلہ میں اقوام متحدہ ، اسلامی تعاون تنظیم کو فعال کردار ادا کرنا چاہیے ، انہوں نے کہا کہ سوڈان سے پاکستانیوں سمیت ہزاروں غیر ملکیوں کے انخلا کے حوالے سے سعودی عرب کا کردار قابل تحسین ہے۔ سعودی عرب کے فرمانروا شاہ سلمان بن عبد العزیز کی سرپرستی میں سعودی ولی عہد امیر محمد بن سلمان کی نگرانی میں سعودی قیادت جو کوششیں کر رہی ہے اس کی تحسین پوری دنیا سے ہو رہی ہے۔

انہوں نے کہا کہ پاکستان علمائنکونسل کشمیر ، فلسطین سمیت امت کے مسائل پر اپنی جدوجہد جاری رکھے ہوئے ہے ، پاکستان کا کشمیر کے مسئلہ پر مو?قف واضح ہے۔ کشمیر کا مسئلہ اقوام متحدہ کی قراردادوں کے مطابق حل ہونا چاہیے ، ہندوستان کی طرف سے ہم G20 میں شامل ممالک سے اپیل کرتے ہیں کہ وہ بھارت کے اقلیتوں اور کشمیر یوں پر مظالم کو سامنے رکھتے ہوئے G20 کے اجلاس کا بائیکاٹ کریں ، ان شائ اللہR20 میں شامل مذہبی قائدین کسی بھی صورت مقبوضہ کشمیر میں کسی اجلاس کیلئے نہیں جائیں گے۔