بھارتی ایجنسی نے سری نگر ایئرپورٹ پر ایک نوجوان کو گرفتارکرلیا

جمعہ 12 مئی 2023 17:33

سرینگر(اُردو پوائنٹ اخبارتازہ ترین - این این آئی۔ 12 مئی2023ء) بھارت کے غیر قانونی زیر قبضہ جموں و کشمیر میں بھارتی ایجنسی نے سری نگر ایئرپورٹ سے ایک کشمیری نوجوان کو گرفتار کرلیا۔

(جاری ہے)

کشمیر میڈیا سروس کے مطابق مشرق وسطیٰ کے ملک عمان میں ایک کاروباری ادارے میں کام کرنے والے دانش احمد کول کو بھارتی وزارت داخلہ کے زیر کنٹرول ایجنسی ’’سٹیٹ انویسٹی گیشن ایجنسی ‘‘(ایس آئی ای) نے سری نگر انٹرنیشنل ایئرپورٹ سے گرفتار کیا۔

ایس آئی اے نے دعویٰ کیا کہ حراست میں لیاجانے والا نوجوان آزادی کی حامی سرگرمیوں میں ملوث ہیں۔ایجنسی نے نوجوان کے خلاف غیر قانونی سرگرمیوں کی روک تھام کے کالے قانون ’’یو اے پی اے ‘‘کے تحت مقدمہ درج کر لیا۔ادھر جموںخطے میں ضلع پونچھ کے علاقے مہور میں سڑک حادثے میں ایک شخص کی جان چلی گئی جبکہ ایک اور زخمی ہوگیا۔