حالیہ دنوں میں کراچی کا جو کردار رہا اس نے عالمی کرداروں کو شکست دی،فیصل رضاعابدی

کراچی(اُردو پوائنٹ اخبارتازہ ترین - این این آئی۔ 18 مئی2023ء) پیپلز پارٹی کے سابق رہنما فیصل رضا عابدی نے کہا ہے کہ حالیہ دنوں میں کراچی کا جو کردار رہا اس نے عالمی کرداروں کو شکست دی،لوگوں کو لگتا تھا کہ ملک میں کچھ بھی ہو جائے سب سے شدید ردعمل کراچی سے آتا ہے،کراچی میں تمام قومیتوں رہتی ہیں،کراچی میں سندھی وڈیرے اپنی سیاست کریں شہر میں سندھی بھی بڑی تعداد میں موجود ہیں ،آج کے بعد کراچی بلکل بے فکر ہو جائے، ہم عملی طور پر پہلا قدم لے رہے ہیںمیرے پاس زیادہ وقت نہیں ہے ، مجھے بہت کم وقت میں کام کرنا ہے،ہمارے اقدامات کا پھل اگلی نسل کو ملے گا جنگیں فوج نہیں قوم لڑتی ہے ، جس کا فقدان دیکھنے میں آرہا ہے۔

کراچی پریس کلب میں پریس کانفرنس سے خطاب کرتے ہوئے کہا کہ انہوں نے کہاکہ پاکستان میں نظام انصاف نیچے سے چوتھے نمبر پر ہے میرا اور نظام انصاف کا پرانا تعلق ہے،میرے گھر والوں اور والدین کا تعلق پیپلز پارٹی سے رہا ، ہم نے کوڑے بھی کھائے،ہر محکمے میں دو نظریے موجود ہیں چاہے وہ سیاست ہو عدلیہ یا صحافت اگر اس وقت افواج پاکستان اور پرویز مشرف کو دھوکہ نہ ملا ہوتا تو آج صورتحال مختلف ہوتا زبردستی طاقت اور بندوق کی زور پر بات منوائی نہیں جا سکتی ،پرویز مشرف کو ناکام کرنے کے لیے جو ایجنڈاکرتا ہے وہ الیکشن بھی جیت جاتا ہے اور مراعات بھی دی جاتی ہیں یہ غلط ہے 2018میں اسٹیبلشمنٹ صرف پی ٹی آئی کو لے کر آئی اسٹبلشمنٹ جس کی جتنی حیثیت تھی اسکا اتنا لے کر آئی صرف تحریک انصاف نہیں اسٹبلشمنٹ پی پی پی اور باپ کو بھی لے کر آئی ،جو نقصان ہوا اس میں صرف افتخار چوہدری ذمہ دار نہیں ، عدلیہ فوج میڈیا سب ذمے دار ہیں ۔

(جاری ہے)

میرا مطالبہ تھا جمہوری مارشل کا جس پر مجھ سے پیپلز پارٹی نے استعفیٰ لے لیا،آپ کی پارلیمنٹ میرے قرض کی مقروض ہے،آپ اپنے ایک سینیٹر کو انصاف نہیں سے سکے کسی اور کو کیا انصاف دیں گے، الطاف حسین کے تقاضے پر مجھے کراچی بدر کر دیا گیا،مجھے صرف محرم پر کراچی آنے کی اجازت تھی ،مجھے بہت بار بیرون ملک کے ایئرپورٹ پر روک کر پوچھا گیا کہ تمھارا آئی ایس آئی میں عہدہ کیا ہے،میرا ائی ایس آئی میں کوئی عہدہ نہیں مگر میرے سر کا تاج ہے، دسمبر 2016میں ثاقب نثار نے سب سے پہلے لبیک کہا،افغانیوں کو پاکستانی بنانے کا نظریہ دیا گیا تاکہ عمران نیازی کو فائدہ ہوگا،پاکستانی قوم کو ثاقب نثار کو ڈبل سر کا خطاب دینا چاہئے، میں نے قوم کو بتانے کی کوشش کی کہ افغانیوں کو پاکستانی کیا جارہا ہے ،میں نے سچ بتانا شروع کیا تو مجھے جیل میں ڈال دیا گیا آصف زرداری کی کوششوں پر مجھے رہا کرنا پڑا ،میں اکیلا تھا اور مردم شماری پر اس وقت کے چیف جسٹس سے ٹکرا گیا ،میں نے ثاقب نثار کے بارے میں بات کی تو فورا سوموٹو ہو گیا۔

مجھے سپریم کورٹ کے احاطے سے گرفتار کیا گیا، آج نیازی کی ہائیکورٹ سے گرفتاری غیر قانونی کیسے ہوگئی سپریم کورٹ نے مجھ پر دہشگردی کا مقدمہ کروا دیا گیا،مجھے جیل میں زہر دیا گیا میرا وزن کم ہوتا چلا گیا ،میں اس بات کی تصدیق کرتا ہوں کہ نواز شریف کو بھی زہر دیا گیا،مجھے بری کر دیا گیا اور سپریم کورٹ کو شکست ہوئی،میں مطالبہ کرتا ہوں سپریم کورٹ کے دہشتگرد کے جھوٹے مقدمے پر سرعام معافی مانگی جائے،مجھ پر دہشگردی کا کا کیس چلانے والے تینوں ججز کو فوری گرفتار کیا جائے،میں سپریم کورٹ پر 120روپے کا حرجانہ ادا کریں 15 دن میں مجھے انصاف دیا جائے، انصاف نہ ملا تو عالمی عدالت جاوں گا ،میرے وکیل فورا سپریم کورٹ کو لیگل نوٹس جاری کریں وائس آف پاکستان شہیدوں کی جماعت ہے۔

انہوں نے کہا کہ میری جماعت کا ممبر بننے کے لیے اپکو شہید ہونا ہوگا،پاکستان کی فوج اپنے نظام انصاف کی وجہ سے نمبر ون ہے، پریڈ کی وجہ سے نہیں میں سیاست میں نہیں آونگا، پہلے اپنے پرانے مشن مکمل کروں گا ،شفاف مردم شماری اور افغانیوں کو دیا گیا پاکستان کارڈ کینسل کروانا میرا مشن ہے اگر فوج ختم ہوجائے تو عوام سوچیں ان لوگوں کے رحم و کرم پر کیسے رہیں گے آپ۔

ہم سیاست کے لیے نہیں ریاست کے لیے کام کریں گے۔جانے سے پہلے ہزاروں فیصل رضا عابدی بنا کر جاوں گا، فوج گولی چلاتی تو نعرہ تیار تھا " پختونوں کا قتل عام"سیاست دانوں کو آج فوج چھوڑ دے تو یہ تڑپ جائیں گے سیاستدانوں کے زیادہ تر کام تو فوج ہی کرتی ہے اپنے مشن مکمل کرنے سے پہلے سیاست میں نہیں آونگا،تین ماہ بعد نکلوں گا پھر یا تو مر جائینگے یا ملک فوج کے حوالے کر دیں گے۔